Netflix po krijon një serialë televizivë për The Witcher

Autori i librave të Witcher-it, Andrzej Sapkowski, është përfshirë si një konsulent kreativ.

Netflix po zhvillon dhe prodhon një shfaqje televizive në gjuhën angleze bazuar në The Witcher. Ekskluziviteti filloi si një seri novelash fantazie nga shkrimtari polak Andrzej Sapkowski, para se të shndërrohej në një seri lojërash të mëdha dhe të vlerësuara nga kritika. Tani është konfirmuar se po vjen në ekranet televizive nëpërmjet Netflix-it, megjithëse nuk ka detaje se kur shfaqja mund të ndodhë.

Në një njoftim për shtyp, Sapkowski tha se do të shërbejë si një konsulent kreativ gjatë krijimit të serisë. “Jam i kënaqur që Netflix do të bëjë një përshtatje të tregimeve të mia, duke qëndruar origjinal me burimin e materialit dhe temat që kam shpenzuar më shumë se tridhjetë vjet duke shkruar,” shkruari ai. “Jam i ngazëllyer për përpjekjet tona së bashku, si dhe për ekipin të mbledhur për të sjell këto karaktere në jetë.”

Ishte raportuar më parë se një adaptim filmi për The Witcher ishte në punime për 2017, por duket se kjo përpjekje është anulluar në favor  të një shfaqje televizive. Sean Daniel (i The Mummy dhe The Expand) ishte lidhur më parë më filmin, por tani është lidhur me prodhimin e serisë të Netflix-it së bashku me producentin Jason Brown.

Krijuesi i filmave Tomek Baginski, i njohur më së shumti për animimin e tij të shkurtër që është nominuar për Oskar, The Cathedral, është përfshirë gjithashtu së bashku me Jarek Sawko. Baginski dhe Sawko i përkasin studios Polake për efektet vizuale Platige Image, e cila ështe përgjegjëse për introt CGI e lojës The Witcher.

Në një deklaratë për shtyp, Baginski dhe Sawko thanë: “Ka një thellësi morale dhe intelektuale në këto libra që shkon përtej zhanëreve. Është një tregim për sot dhe sfidat e të sotmes, të fshehura nën një mbulesë fantazie. Është një histori për ne, për përbindëshin dhe heroin brenda zemrës sonë “.