Në Gears 5 do të keni mundësi të luani si Dave Bautista

Drax? The Animal? Jo, thjesht Batista

Dave Bautista nuk e ka mbajtur aspak të fshehtë faktin se do të dëshironte të aktronte në një film të Gears of War. Në fakt kur e mendon ai është mjaft i përshtatshëm: është gjigand, i ashpër dhe i dhunshëm. Megjithatë, edhe pse ai është mjaft entuziast, mundësitë e tij për të qënë pjesë e një filmi janë jo dhe aq të mëdha. Prandaj, ai ka arritur në një kompromis. Batista do të luajë si vetja e vet në Gears 5.

“Gjithçka filloi me një ide që Batista të ishte Marcus, duke e veshur atë me armaturën e Marcus dhe duke i dhënë atij tekstin e Marcus. Më pas, i shtuam disa elemente të The Animal zërit të Batista dhe gjithashtu pamjes së tij, duke i dhënë atij syzet e tij karakteristike,” – shpjegoi drejtori Rod Fergusson në një intervsitë. “Batista ishte i mrekullueshëm në studio dhe po pres me padurim të shoh fansat e Gears dhe Batista duke shtypur Swarm si The Animal.”

Shfaqja e Batista në lojë është pjesë e një bashkëpunimi midis Xbox dhe WWE, i cili pritet të kulmojë me Clash of Champions në WWE Network në 15 shtator, datë e cila gjithashtu përkon me ditën kur personazhi i Batista do të vijë në lojë. Për ta hapur atë, ju duhet thjesht të luani çfarëdolloj versioni të Gears 5 midis asaj date dhe 28 tetorit, kur ky event të mbarojë.

Dave Bautista njihet gjërësisht këto kohë për rolin e tij si Drax the Destroyer në Marvel Cinematic Universe, por për shumë prej nesh që janë fansa të vjetër të WWE, ai do të jetë gjithmonë The Animal që i ka bërë Batista Bomb babagjyshit. Jeni që jeni, hidhini një sy kësaj përmbledhjeje të Batista Bomb ndër vite, sepse jam i sigurt që fansave të keçit do ju pëlqejë.