Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Diferencat midis hartave të cilat mund t’iu japin një avantazh në lojë
Among Us është tashmë një prej lojërave më të populluara në planet dhe çdo njohuri rreth saj mund t’iu hyjë në punë në çdo moment si Imposter ose Crewmate. Momentalisht Among Us ka tre harta në të cilat lojtarët mund të eksplorojnë, të kryejnë detyrat e tyre ose të vrasin shokët e tyre. Secila prej hartave ka një larmishmëri të madhe mënyrash sesi mund të luash në to. Më poshtë do të gjeni detaje rreth çdo harte dhe këshilla sesi mund të luani në to.
The Skeld
The Skeld është harta e parë e cila ka ardhur në Among Us. Kjo hartë është e madhe dhe detyrat të cilat Crewmate duhet të kryejnë janë të shpërndara në pjesë të ndryshme të hartës të cilat janë larg njëra tjetrës. Kjo bën që Crewmate t’iu duhet më shumë kohë që të kryejnë detyrat e tyre. Imposter mund të përdorin vent e anijes për të lëvizur nga një dhomë në dhomën tjetër por vent janë të organizuara në grupime të vogla në çdo pjesë të hartës.
Edhe pse mund të duket shumë e vështirë për Crewmate në fakt është krejt e kundërta. The Skeld është një hartat më të lehta për ta sepse ata mund të zbulojnë lëvizjet e secilit prej lojtarëve dhe të zbulojnë Imposter e vërtete. Gjithashtu kjo hartë ka një sistem kamerash të cilat mbulojnë pikat kyçe të hartës. Imposter në mënyrë që të fitojnë duhet të vrasin këdo që mbledh informacione rreth lëvizjeve të tyre.
Polus
Harta Polus është e ngjashme me The Skeld pasi në të ka kamera dhe është e madhe. Vent në këtë hartë janë më të organizuar se në The Skeld por një pjesë e hartës nuk ka vend pasi kjo pjesë e hartës quhet “Decontamination Chambers”. Pavarësisht se harta mund të duket e madhe, detyrat e Crewmate janë afër njëra tjetrës shumicën e kohës. Crewmate në ketë hartë janë më të sigurt pasi Imposter kanë një mundësi më të madhe për t’u zbuluar por kjo hartë gjithashtu bën të mundur që Crewmate të mos zbulojnë lëvizjet e secilit lojtarë si në The Skeld.
Sabotazhi në ketë hartë është një nga më favorizuesit për Imposter në qoftë se përdorni edhe aftësinë për të mbyllur dyert. Sabotazhi në Polus është “Seismic Stabilizers” që mund të rregullohet nga dy lojtarë në të njëjtën kohë duke i detyruar Crewmate të ndahen. Këto situata e balancojnë ketë hartë duke mos i dhënë avantazh as Imposter dhe as Crewmate.
MIRA HQ
Harta MIRA HQ është ndryshe nga dy hartat e tjera. kjo hartë është e vogël me korridor të mëdhenj dhe dhoma të vogla. Në ketë hartë nuk do të gjeni kamera por një regjistër të senorëve të instaluar në korridore i cili është tepër i vështirë për t’u kuptuar duke iu lënë pa asnjë informacion. Imposter në ketë hartë kanë avantazh tepër të madh pasi vent mund t’iu çojë në pothuajse çdo pjesë të hartës. Imposter mund të kryejë një vrasje në Admin dhe të shkojë në MedBay direkt nëpërmjet vent përpara se vrasja të zbulohet.
Sabotimi i O2 në ketë hartë i detyron Crewmate të ndahen kurse sabotimi i Reactor i vonon shumë Crewmate pasi atyre iu duhet të kalojnë nëpërmjet Decontamination room duke iu dhënë Imposter më shumë kohë për t’u përgatitur. Në përgjithësi MIRA HQ është një hartë e cila favorizon Imposter dhe kjo bën të mundur që Crewmate të jenë më të kujdesshëm dhe të dyshojnë për gjithçka që ndodh.
