Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kush ka futur basketboll te loja ime e kazinosë?
NBA 2K20, loja më e fundit e serisë vjetore të basketbollit nga publikuesi 2K, u lançua muajin e kaluar dhe që tani është bërë review bomb nga përdoruesit në Steam dhe Metacritic. Ky është tashmë viti i tretë rradhazi që loja më e fundit e serisë ka marrë reviews shumë negative nga lojtarët, me NBA 2K17 që është loja e fundit që ka marrë vlerësime sado pak të mira.
Shëmbuj të review bombing në lojëra mund të gjenden që në fillim të viteve 2010, por ky fenomen u popullarizua shumë rreth 2015 kur Bethesda dha lajmin se The Elder Scrolls: Skyrim do të kishte mods me pagesë. Lojtarët e nevrikosur iu përgjigjën duke mbushur review-t e lojës me rezultate negative.
Që prej asaj kohe, shumë lojtarët e kanë gjetur review bombing si taktikën më të mirë për të bombarduar lojëra për shumë arsye, duke nisur nga ulja e çmimit të lojës pak pas lançimit te saj, te kthimi i saj në free-to-play dhe deri tek lançimi i saj si ekskluzive. Së fundi, marrëveshjet ekskluzive të lojërave në PC me Epic Games kanë acaruar shpesh lojtarët.
Në rastin e NBA 2K20, review bombing ka ardhur për shkak të përdorimit agresiv të microtransactions në lojë. Në këto momente, NBA 2K20 ka një vlerësim 0.8 nga përdoruesit në Metacritic dhe 78% e reviews në Steam janë negative, ku shumica kritikojnë microtransactions të lojës ose e quajnë NBA 2K20 “një skemë bixhoz” dhe “literalisht një kazino“. Të tjerë e kritikojnë lojën sepse nuk ka shtuar asgjë të re në krahasim me lojën e vjetër (madje duke thënë se loja përdor ikonën e NBA 2K19 në PC) dhe për bugs të shumta.
Review bombing është zakonisht një mjet që përdoret përdoret jo për të kritikuar kualitetin e lojës, por në rastin e NBA 2K20 kjo është dhe më e vështirë të kuptohet. Edhe vetë fushata e marketingut të NBA 2K20 ishte e bazuar tek microtransactions të lojës e sidomos trailer-i famëkeq i kazinosë që mund ta shikoni më lartë, por sarkazma e madhe e përdorur në review-t e lojtarëve vë në pikëpyetje faktin nëse ata që po shkruajnë këto review po i hasin vërtet këto probleme për të cilat po shkruajnë ose nëse thjesht po mundohen të shajnë lojën sa më shumë të munden.
Çfarëdolloj efekti që të ketë në shitjet e lojërave si NBA 2K20, review bombing gjithashtu e bën komunitetin e lojërave edhe më toksik. Kur lojtarët përdorin review-t për t’u hakmarrë ndaj publikuesëve dhe jo për të shpërndarë opinione mbi lojën, review-ve të përdoruesëve i bie vlera dhe midis zhvilluesëve dhe lojtarëve krijohet një marrëdhënie konfliktuale, e cila çon në situata vërtet të pakëndshm.e
