Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Janë prekur gjithashtu dhe fotot, videot dhe muzika
Në fillim të viteve 2000, MySpace na prezantoi të gjithëve me botën e rrjeteve sociale. Brenda pak viteve ajo u bë një platformë gjigande për muzikën, ku bandat mund të shpërndanin këngët e tyre dhe përdoruesit mund të personalizonin profilet e tyre me kengët e pëlqyera. Edhe kur popullariteti i saj u shua nën hijen e Facebook, Instagram dhe Snapchat e shërbimet për streaming për muzikën filluan të dominonin, MySpace vazhdoi të ishte një platformë muzikore. Fati që ajo ndihmoi artistë si Arctic Monkeys, Panic! At The Disco, Sean Kingston dhe Kate Nash e bënë atë të kishte një farë besueshmërie.
Por duket se dhe kjo tani është fshirë, së bashku me rreth 50 milionë këngë. Fundjavën e kaluar, një banner në faqe lajmëroi se dokumentat audio të hedhur në faqe më herët se tre vite më parë mund të mos jenë më të disponueshme
Sipas këtij banner-i, “si rezultat i transferimit të serverave, çdo foto, video dhe audio që ju keni hedhur para tre vitesh mund të mos jetë më e disponueshme në MySpace“. Disa llogaritën se 50 milionë këngë nga 2003-2015 janë fshirë. Sipas përdoruesve të MySpace në Reddit, të gjitha këngët para 2015 ndaluan së funksionuari një vit më parë. Klientëve fillimisht iu tha se MySpace do të rregullonte problemin dhe më pas se dokumentat ishin të korruptuara dhe nuk mund të transferoheshin në faqen e re.
Ky lajmërim, i cili tanimë është hequr, ishte tepër i shkurtër dhe linte mjaft vend për pyetje. Asnjë përgjigje nuk mund të gjendet në Twitter, duke parë se kompania nuk ka shkruar asgjë që prej 2017 dhe se deklarata e fundit e tyre në shtyp ishte në 2015. MySpace megjithatë bëri të ditur adresën e-mail të Data Protection Officer-it të tyre ([email protected]) për ata që duan më shumë informacion.
Ky nuk është i vetmi problem lidhur me MySpace gjatë viteve të fundit. Në 2017, mësuam se kushdo mund të hynte në llogarinë tuaj në MySpace për sa kohë dinin ditëlinjden tuaj. Në 2016, Time Inc. që bleu MySpace po atë vit njoftoi se faqja ishte hakuar e në 2012, MySpace nisi luftë me Apple për logon e Apple Music. Megjithatë, humbja e miliona këngëve, që lidhet me nostalgjinë e përdoruesëve më së shumti ndër të tjera, pritet të jetë ajo çfarë do të acarojë fansat më shumë se çdo gjë çfarë ka bërë kompania deri më tani.
