Modi më i fundit i Resident Evil sjell së bashku C.J dhe Big Smoke nga GTA: San Andreas

“Oh shit here we go again”

Resident Evil 2 ka qenë një nga lojërat më të suksesshme të vitit deri më tani. Të gjithë thonë që i është afruar shumë origjinalit dhe se ka kombinuar aksionin, horrorin, misterin dhe strategjinë në një mënyrë të shkëlqyer. Tani loja ka dhe një mod që mund ta bëjë atë të jetë më e pëlqyer se çishte më parë.

CJ dhe Big Smoke nga Grand Theft Auto: San Andreas kanë qenë goxha aktiv në internet kohët e fundit. Ndoshta nga memet e pafundme të Big Smoke ose videos “oh shit here we go again” të CJ. Tani mendoni pak sikur Big Smoke të merrte rolin e MR.X në Resident Evil 2, duke shpërthyer dyert e Racoon City Police Station, teksa CJ është duke e goditur me Gatling Gun. Kjo është pikërisht ajo që mund të gjeni në modin e ri dhe është po aq gallatë sa ç’duket.

Ka edhe disa klipe të audios të marra drejtpërdrejt nga GTA: San Andreas që e bëjnë të gjithën të ndjehet me realistike. Shikoni klipin më poshtë për të kuptuar më mirë se çfarë po ndodh.