Microsoft thotë se asgjë nuk do e ndalë që të sjellë Xbox Series X në 2020

Pavarësisht pandemisë së COVID-19, fansat mund të presin një konsolë të re këtë vit.

Pandemia e COVID-19 e ka ndikuar shumë botën e gaming, duke shkaktuar thuajse çdo event madhor të esports të anullohet ose të shtyhet. Disa konsola janë ndikuar nga virusi për shkak të mbylljes së prodhimit në fabrika, por të paktën ka ende një konsolë që i vazhdon planet për lançimin në 2020ën.

Microsoft ka konfirmuar se është akoma në të njejtat plane fillestare për të lançuar Xbox Series X gjatë sezonit të fundvitit në 2020n dhe se ende nuk ka konsideruar një “plan B”. Phil Spencer u pyet së fundmi nëse po konsideroheshin plane alternative për lançimin e Xbox Series X.

“Ende nuk kemi filluar me ndonjë plan B,” tha Spencer. “Nuk ka asgjë momentalisht që po na pengon në realizimin e produktit tonë brenda datave të premtuara.”

Spencer konfirmoi se kompania do të vazhdojë ta monitorojë situatën dhe se nuk do ta rrezikojë sigurinë e skudrës së saj ose cilësinë e konsolës për të kapur datën ideale të lançimit. “Nuk dua ta sforcoj produktin tonë nëse ai nuk është gati,” tha Spencer.

COVID-19 mund të mos e vonojë lançimin e konsolës, por ka gjasa që mund të mos ketë sasitë e nevojitura në atë periudhë. Xbox One u vonua gjatë lançimit të saj në territore të ndryshme. Spencer tha se kompania ka mësuar nga këto gabime dhe se nuk do i përsërisi ato. Ai gjithashtu konfirmoi se Microsoft nuk ka në plan ta vonojë lançimin edhe nëse lojëra të mëdha nuk janë ende gati në atë kohë, përfshirë këtu Halo Infinite.

“Nëse çdo gjë është gati në kohë, nuk mendoj se do e ndaloja lançimin për një lojë specifike. Sigurisht që ajo që mendoni ju direkt është Halo, por nuk mendoj se do pezullojmë lançimin e platformës për ndonjë lojë specifike.”

Pra deri tani mund të prsni një konsolë të re nga ana e Micorosft në 2020.