Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mesa duket do të na duhet të presim edhe pak për lojën e re Avengers
Crystal Dynamics zbuloi ditën e sotme se do të shtyjë lojën e ardhshme Marvel’s Avengers. Loja pritej të lançohej në 15 maj, por tani ajo do të vijë në 4 shtator.
Në një deklaratë të studios shpjegohet se data e lançimit të lojës është shtyrë për t’i dhënë ekipit të zhvillimit më shumë kohë për të sjellë vizionin e lojës.
“Jemi të përkushtuar që të sjellim një histori origjinale, co-op argëtues dhe një lojë të mirë për shumë vite. Në këtë aspekt, do të na duhet të shpenzojmë më shumë kohë për të përmirësuar lojën dhe për të arritur standartet e larta që fansat tanë presin dhe meritojnë” – thotë deklarata e Crystal Dynamics.
Kjo shtyrje nuk është dhe aq e çuditshme, duke parë reagimin e publikut pas zbulimit të trailer-it në E3 2019. Fansat menjëherë kritikuan dizajnin e superheronjve të Marvel, të cilët edhe pse supozohet të mos përngjanin me ata të filmave, nuk kishin aspak pamjen që pritej. Ndërkohë, për lojtarët që luajtën demon e lojës, reagimet nuk ishin shumë entuziaste.
Përveç Marvel’s Avengers, Square Enix, publikuesi i lojës, zbuloi gjithashtu se ata do të shtynin edhe lançimin e Final Fantasy 7 Remake.
