Margot Robbie është protagonistja e filmit të ardhshëm të Pirates of the Caribbean

Filmi do të jetë i shkëputur nga seritë tipike të Pirates of the Caribbean.

Margot Robbie do të luajë protagonisten në filmin e ardhshëm të Pirates of the Caribbean me shkrimtaren e Birds of Prey, Christina Hodson që do i bashkohet për skenarin e filmit.

Sipas raportimeve ky film do të qëndrojë veçmasi nga seritë tipike të Pirates of the Caribbean që jemi mësuar të shohim. Pra nuk do të jetë ndonjë lloj spin-off-i i filmave me Johny Depp si Jack Sparrow, por një histori me një figurë femre në qendër dhe me personazhe të reja në botën e këtyre piratëve.

Përtej Margot Robbie, nuk ka ende as një fjalë për pjesën tjetër të mundshme të kastit. Le të shpresojmë që ajo do të veshë çizmet dhe do të portretizojë një pirat jo si Elizabeth Swann, por më shumë si Barbossa për shembull.

Detaje të tjera për filmin janë ende të pazbuluara, por pritet të njoftohen së shpejti. Gjithsesi, ideja e sjellies së një filmi të Pirates of the Caribbean me një femër si protagonsite, është mjaft interesante.