Mode-i i ri LTM në Rainbow Six Siege mund të jetë një grabitje

Bëni gati ekipin për një detyrë të re

Rainbow Six Siege ka patur disa evente LTM të cilët kanë shtuar disa mode argëtuese dhe unike për lojtarët. Por, një lojtar i Siege mesa duket ka zbuluar një mode të ri që i lejon lojtarët të hapin kasaforta në një hartë të njohur.

Roly Noly është një burim i besueshëm i cili ka zbuluar shpesh herë informacione mbi Rainbow Six Siege në të shkuarën. Më herët, ai postoi në Twitter një klip të një mode-i të ri të quajtur Gang Destruction Event.

Ky klip tregon versionin e vjetër të Hereford Base por pa ndryshime. Harta ka piktura dhe statuja që i japin ndjesinë e një shtëpie luksoze, e cila duket se ka lidhje me tematikën e këtij mode.

Harta ka disa kasaforta që lojtarët duhet t’i marrin dhe që kanë animime unike. Roly Noly gjithashtu tha se ky mode duket se është një co-op me 3 lojtarë, gjë që të bën të mendosh se ata duhet të punojnë së bashku ndërkohë që vrasin bots.

Një prej veçorive më të mëdha të këtij mode është se çdo dysheme e hartës mund të shkatërrohet plotësisht. Lojtarët në ndeshje normale mund të gjuajnë dhe të hapin vrima, por zakonisht ka shufra metali që i ndalojnë lojtarët të bien poshtë. Në këtë mode, duket se këto shufra janë hequr, gjë që do të sillte një mënyrë të re për të hequr qafe kundërshtarët dhe për të lëvizur në hartë.

Ubisoft nuk ka konfirmuar zyrtarisht një LTM të re ose një tjetër rework të Hereford Base, prandaj ende nuk dihet nëse ky mode do të vijë në lojë.