Lojtari më i mirë i CS:GO është bërë ban nga Twitch për homofobi

s1mple u bë ban pasi shau me shaka shokun e tij të ekipit

Oleksandr Kostyliev, gjithashtu i njohur si s1mple, është bërë ban nga Twitch. Vendimi erdhi pasi ai përdori një sharje homofobike (pidor) ndaj shokut të tij të ekipit, siç duket për shaka. I konsideruar gjërësisht si lojtarë më i mirë i CS:GO në botë, s1mple ka një kill-death ratio 1.41 në 151 harta, shumë më shumë se lojtarët e tjerë.

Për krahasim, sipas HLTV lojtari më i afërt, Device, ka një KD prej 1.29. Edhe ai ka shumë më shumë se lojtarët e tjerë, të cilët kanë zakonisht nga 1.17-1.21 KD ratio. s1mple madje është vlerësuar dhe nga Valve, të cilët kanë vendosur një grafitti në mur për të ta bërë double no-scope-in e tij në de_Cache të pavdekshëm.

Për shkak të këtij ban-i, streamer-at e tjerë duket se po mundohen të mos luajnë me Kostyliev, duke pasur frikë nga pasojat e mundshme. Ky incident ndodhi gjatë një transmetimi të FaceIT Pro League në 29 korrik dhe fansat kanë filluar që tani të bëjnë shaka për këtë.

Ban-i u raportua fillimisht nga gazetari i esports Rod Breslau, i cili thotë se ai do të zgjasë një javë. s1mple duket se nuk është aspak i shqetësuar nga ban-i, duke postuar në Twitter “Get Twitch Ban – Completed“. Twitter-i i Kostilyev ka gjithashtu një screenshot të ban-it, në të cilin thuhet se ai ka shfaqur urrejtje.

Për pasojë të këtij veprimi, ai e quajti Twitch “një tallje“, ndërkohë që gjithashtu i ka kërkuar falje shokut të skuadrës ndaj të cilit u drejtua sharja, Boombl4. Disa përdorues rusë kanë thënë se edhe pse pidor është vërtet një sharje e rëndë, shpesh nuk përdoret në kontekst fyes.

Ndërkohë, fansat sërish ngritën zërin, teksa janë të konfuzuar nga kodi i etikës në Twitch. Kohët e fundit, fokusi ka qënë Alinity, e cila hodhi macen e saj mbrapa kurrizit por ende nuk ka pasur asnjë pasojë për të.

Twitch gjithashtu u sulmua pasi streamer-i i tij më popullor, Ninja, u largua nga platforma për të bërë stream në Mixer. Ata filluan të promovonin kanale të tjera në kanalin e tij, përfshirë këtu dhe një që po shfaqte pornografi.