Lojtarët e Red Dead Online duan që të ndryshohet ekonomia e lojës

Ekonomia rezulton pak e vështirë në Red Dead Online

Lojtarët e Red Dead Online beta u përballën shumë shpejt me realitetin e ashpër të ekonomisë së lojës. Misionet, multiplayer modes dhe shumë nga sendet e lojës kushtojnë më shumë se ç’duhet. Një nga shembujt më absurdë, shprehen lojtarët, është kërkesa e parave në personalizimin e personazhit vetjak. Duhen rreth tetë or gameplay në Red Dead Online për të marrë një Gold Bar dhe duhen plot 12 prej këtyre të fundit, thjesht për ta kthyer revolven tuaj të zezë.

Shufrat e arit ose në termat e lojës Gold Bars janë monedha e lojës. Përmes gameplay-it fitoni gold nuggets dhe 100 gold nuggets ju garantojnë një shufër ari. Rockstar ka në plan ti shesi këto të fundit edhe për para, por çmimi ende nuk është njoftuar.

Përtej këtyre të fundit, problematike ka qenë edhe çështja e dollarëve dhe centëve. Një pistoletë Mauser në Red Dead Online kushton 1000 $ dhe ekuivalentja e saj në botën reale 35 $. Lojtarët ankohen se shpërblimet që marrin për gameplay-in e tyre nuk janë të krahasueshme me standartet ekonomike të vendosura në lojë. Një pjesë e tyre shprehen se Red Dead Online ju vjen më shumë si ngarkesë se si kënaqësi.

Deri diku shqetësimet janë me vlerë, pasi për të mirëmbajtur personazhin, kalin dhe armët tuaja në gjendje të mirë, ju duhet të harxhoni para për to dhe praktikisht të luftoni për bukën e gojës. Ky i fundit është boll shqetësim në jetën reale për tu patur edhe në lojë.

Gjithsesi dielli sapo ka lindur në Red Dead Online. Rockstar e ka klasifikuar si një beta, duke premtuar detyrimisht ndryshime të tjera dhe jo ndarje të gjërave me thikë. Në këtë pikë mbetet të shohim reagimet e të dy palëve për në të ardhmen.