Lojtarët e gjeneratës aktuale të Marvel Avengers do të marrin falas upgrade-in next-gen

Me kaq shumë lojëra të shkëlqyera që akoma duhet të vijnë për konsolat ​​e gjeneratës aktuale gjatë gjysmës së dytë të vitit 2020, ekziston një ngatërresë e vështirë ku lojtarët duhet të vendosin nëse duhet të luajnë menjëherë ose të presin për versionet e gjeneratës së ardhshme në fund të vitit.

Fatmirësisht, publikuesit dhe zhvilluesit e konsolave po përpiqen të bëjnë tranzicionin midis brezave të konsolave sa më të lehtë të jetë e mundur.

Microsoft është në pararojë me programin e tij të Xbox, Smart Delivery, i cili u jep lojtarëve versionet next-gen të lojërave të zgjedhura Xbox One falas, dhe tani Square Enix ka njoftuar se Marvel’s Avengers do të jetë në dispozicion në lançim për PlayStation 5 dhe Xbox Series X si një upgrade falas për pronarët e versionit aktual, dixhitalisht ose në disk.

“Duke shfaqur kohë jashtëzakonisht të shpejtë loading, rezolucion të përmirësuar, përmirësim teksture dhe shkatërrimi, ray tracing dhe më shumë, Marvel’s Avengers do të duken dhe do të luhen shkëlqyeshëm në sistemet e gjeneratës së ardhshme”, lexohet në njoftimin për shtyp të Square Enix.

Për më shumë informacion të detajuar, mund të vizitoni postimin në PlayStation Blog.