Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Do të jetë edicioni Game of The Year i saj.
Këtë fundjavë, loja origjinale co-op loot shooter e Borderlands do të jetë falas në Steam. Me Borderlands 3 që do të lançohet në datë 13 shtator, kjo duket si koha perfekte për tu çmalluar pak me lojërat e vjetra. Versioni që është pjesë e ofertës është paketa Game of the Year Enhanced, dhe përfshin grafika të përmirësuara, modele të personazheve dhe plot armë që mund të shtoni në një bilionshin e Borderlands 3
Versioni Game of The Year i Gearbox, gjithashtu përfshin të gjitha DLC e Borderlands, ndaj gjithashtu do të keni akses në The Zombie Island of Doctor Ned, Mad Moxxi’s Underdome Riot, The Secret Armory of General Knoxx dhe Claptrap’s New Robot Revolution. Ky edicion u lançua në prill të këtij viti.
Vetë Borderlands u lançua fillimisht në 2009 dhe që nga ajo pikë ka shitur mbi 43 milion kopje në të gjithë botën, brenda të gjitha platformave. Lojërat prapë janë shumë të pëlqyera nga publiku dhe Borderlands 2 ka një milionë lojtarë në muaj edhe pse ka gjashtë vite që është lançuar.
Loja do të jetë falas duke nisur që sot dhe do të vazhdojë të jetë falas edhe të shtunën edhe të dielën në Steam. Gjithsesi Borderlands 3 në vetëvete do të jetë ekskluzive vetëm për Epic Store pas lançimit. Një lajm ky që në fillim të njoftimit të tij shkaktoi shumë polemika mes lojtarëve. Kjo sepse edhe Borderlands 1 dhe Borderlands 2 kanë qenë më parë në Steam.
Gjithsesi Randy Pitchford ka thenë se ekskluziviteti me Epic është i përkohshëm. Plani është që loja të qëndrojë për gjashtë muaj në Epic Store dhe pastaj në kalojë në Steam. Mbetet të shohim se sa të duruar do të jenë fansat e lojës që i qëndrojnë besnikë platformës së Valve.
