Loja Avengers do të ketë skine dhe veshje që nuk do ta ndikojnë gameplay-in

Loja Avengers e Crystal Dynamics do ti lejojë lojtarët ti mbushin superheronjtë e tyre me cosmetics. Ishte producenti i lojës Rose Hunt ai që dha më shumë informacion për personalizimet nga ana vizuale të lojës.

“Mund të themi se do të jeni në gjendje ta personalizoni heroin tuaj me skine dhe veshje të ndryshme.” Pra nëse keni në duar Captain America, mund të zgjidhni pamjen e tij në 1940 ose diçka më kontemporane. Gjithsesi çfarëdo që të zgjidhni, nuk do të ketë asnjë efekt në gameplay-in tuaj.

Është ende e paqartë se si këto veshje do të monetizohen, pasi Hunt ka thënë se nuk do të jeni kurrë në një situatë ku duhet të paguani për të luajtur. Tashmë e dimë se nuk do të ketë lootboxes, por do të ishte e habitshme nëse asnjë nga këto cosmetics nuk do të kishte një etiketë çmimi në të, mbi të gjitha kur mendon që Crystal Dynamics do ta mbështesë lojën edhe për vitet në vijim.

Informacione të mëtejshme mbi mënyrën se si do ti menaxhoni heronjtë tuaj në lojë do të zbulohet më vonë, por do të na duhet të presim pak më afër datës së lançimit të The Avengers për ta zbuluar.