Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas një leak-u Grand Theft Auto VI do të rikthehet në disa prej vendeve më të preferuara të fansave, do të frymëzohet nga Red Dead Redemption 2 dhe nuk do të lançohet në PlayStation 4 dhe Xbox One. Personi që i ka bërë leak këtij informacioni deklaron se ka edhe detajet e para rreth historisë së lojës. Fatkeqësisht ai nuk kishte asnjë informacion se kur mund të lançohej loja, por gjithsesi ne kemi interes ta dëgjojmë.
Më herët këtë muaj, një postim anonim u bë në Pastebin, i cili jepte informacione rreth GTA së ardhshme. Në një mënyrë misterioze, postimi shpejt u hoq nga faqja dhe kur marrim parasysh se artikulli në fjalë ishte postuar nga një guest account, dyshohet se mund të ketë vënë dorë vetë Rockstar Games në zhvendosjen e tij.
Sipas leak-ut, GTA 6 do të zhvillohet në qytete të mëdha të botës, ku lojtarët mund të udhëtojnë sa nga njëri te tjetri. Mendohet se në lojë do të luani si një lord droge që fillon si amator në Liberty City, duke bërë grabitje të vogla, por që me kalimin e kohës i bashkohet një gang-u të madh në Vice City. Si duket do të keni një farë përgjegjësie mbi një biznes në Liberty City, përpara se të kaloni në Vice City për tu bërë nona i muhabetit.
Do të kemi dy qytete kryesore dhe disa vende më të vogla në mes tyre. Mendohet edhe që loja do të vendoset në një epokë të caktuar dhe se do të përmbajë kujtime nga e kaluara.
GTA 6 nuk do të ishte e para lojë që do të përfshinte shumë qytete të mëdha. Edhe GTA San Andreas ka ndjekur të njejtën logjikë.
Siç e thamë edhe më lart, nuk ka ende asnjë teori se kur mund të lançohet loja. Një vendim normal ky, kur marrim parasysh se edhe PlayStation-i edhe Xbox janë në prag të kalimit të gjeneratës tjetër me konsolat e tyre.
Gjëja e fundit që leak-u përmendte ishte se GTA 6 do të përdorë mekanikën e dialogjeve që ka edhe Red Dead Redemption 2.
Interesante duhet ta pranojmë. E gjithë ideja i përshtatet shumë strukturës së një loje GTA, por në fund të ditës duhet të mbajmë mend se nuk mund ti besohet çdo leak-u që lexon. Nëse do të kemi ndonjë konfirmim rreth ndonjë informacioni të GTA 6 do iu mbajmë të informuar në kohë reale këtu në faqen tonë të web-it.
