Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
League of Legends rrëzon nga froni Fortnite
Kujdes Fortnite, duket se League of Legends ka marrë sërish vendin e parë si loja më e ndjekur në Twitch për 2019. Shikueshmëria e Fortnite gjatë 12 muajve të fundit tregon se battle royale i Epic ka rënë tashmë në vend të dytë, prapa MOBAs së Riot, edhe pse të dyja janë shumë përpara në krahasim me lojërat e tjera të kësaj platforme.
Shikueshmëria në orë e League of Legends në Twitch ka arritur në 1,112,000,000, ndërkohë që Fortnite ka rreth 1,108,0000,000 në 365 ditët e fundit, sipas statistikave të SullyGnome.
League of Legends ka qënë një prej lojërave më të ndjekura në Twitch prej shumë kohësh, me shikuesit që në gjysmën e parë të vitit kanë ndjekur 512.3 milionë orë kontent për League of Legends, sipas një raporti të publikuar. Kjo ishte një rritje me vitin e kaluar, ku në të njëjtën periudhë ishin ndjekur 435.2 milionë orë. Ndërkohë, Fortnite pati një rënie gjatë kësaj periudhe, duke shkuar në 465 milionë orë të ndjekura në gjysmën e parë të 2019, një rënie nga 531.1 milionë një vit më parë.
Këto shifra vijnë pavarësisht faktit se u zhvillua Fortnite World Cup më herët gjatë këtij viti, duke arritur një shifër rekord prej 2.3 milionë shikuesish në YouTube dhe Twitch, si dhe pas fillim të Fortnite Chapter 2, ku bota e vjetër e Fortnite u thith nga një vrimë e zezë.
Për sa i përket orëve të para, Just Chatting është e treta në listë me 730,500,000. Ajo pasohet nga GTA 5 (550,400,000), Dota 2 (501,700,000) dhe CS:GO (442,900,000).
Edhe pse Twitch padyshim që nuk është mënyra më e mirë për të parë suksesin e një loje, nuk mund të hidhet poshtë fakti se streaming duhet të konsiderohet kur llogaritet popullariteti i saj.
