Riot do të tentojë të përmirësojë jungle në Patch 10.8

Siç e do tradita, jungle ndryshohet çdo vit

Dizenjuesi kryesor i gameplay të League of Legends, Mark “Scruffy” Yetter tregoi disa prej ndryshimeve që pritet të vijnë në Patch 10.8 në një dev post.

Një prej ndryshimeve kryesore ka si qëllim të rrisë kënaqësinë e përgjithshme të lojtarëve me jungle. Dy elementet kryesore që duhen ndryshuar për të arritur këtë qëllim janë fuqia e junglers për të bërë ganks në early game dhe fuqia e përgjithshme personale e tyre.

Junglers kanë qënë shumë të fuqishëm këtë sezon. Ndryshimet e preseason i kanë dhënë atyre mundësi të bëjnë më shumë farm dhe elemental drakes kanë shumë impakt në lojë. Shumë junglers si Karthus, Lee Sin, Ekko dhe Sejuani kanë marr nerf sepse mund të bënin carry lojëra të vetëm, por ata ende mbeten shumë të fuqishëm.

Ulja e fuqisë së ganks do të vijë nëpërmjet uljes së XP të marrë nga vrasjet jo-solo në fillim të lojës. Lojtarët që vdesin herët gjithashtu do të marrin një buff të ngjashëm me Homeguard për t’u rikthyer më shpejt në lane. Kur Homeguard mund të blihej, shumë lojtarë e blenin atë sapo kishin mundësi. Ky ndryshim mund të jetë negativ, pasi heq early game të dobët për kampionët që duan të bëjnë scale.

Ndërkohë, për të rritur fuqinë personale të junglers, Riot duket se ka vendosur të rritë eksperiencën e marrë nga farming, si dhe të përmirësojë sustain kur nuk ke shumë HP.

Këto ndryshime do ta kthejnë jungle nga një rol agresiv në një rol më pasiv, duke kthyer sërish power-farmers si Master Yi, Graves ose edhe Shyvana.

Patch 10.8 duhet të vijë në lojë në mes të prillit.