Lançimi i Cyberpunk 2077 vonohet sërish

CD Projekt Red tha se i duhet më shumë kohë për ta balancuar lojën, që tani do të vijë në nëntor.

Cyberpunk 2077 nuk do të vijë në datën e parashikuar për në shtator. CD Projekt Red njoftoi dje se loja ka mbaruar, si në content edhe në gameplay, por dëshiron që të marrë më shumë kohë për të rregulluar bugs dhe për ta rregulluar atë deri në detajin e fundit. Për këtë arsye ka vendosur që ta vonojë atë për në 19 nëntor.

“Quests, cutscenes, skills dhe items; të gjitha aventurat që Night City ka për të ofruar, janë të gjitha aty,” shkruajti studioja. “Por me një sasi të tillë content-i dhe sistemesh komplekse që ndërveprojnë me njëri-tjetrin, duhet ta shikojmë çdo gjë me detaj ashtu siç duhet, të balancojmë të gjitha mekanikat dhe të rregullojmë shumë bugs. Një botë gjigande nënkupton një numër të madh gjërash që duhen marrë parasysh paraprakisht dhe kjo është ekzaktësisht ajo çfarë ne do të bëjmë.”

Është interesante pasi në asnjë pikë nuk përmendet pandemia e COVID-19, që ka detyruar zhvilluesit të punojnë nga shtëpia të distancuar. Lajmi i mirë është se Night City Wire, eventi i madh online i Cyberpunk 2077 është ende i planifikuar për tu mbajtur në 25 qershor.