Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një tjetër kërkim pune te Rockstar Games ka përforcuar spekulimet se GTA 6 është duke u zhvilluar, me krijuesit e lojës që po rekrutojnë për një lojë “next-gen character-based open-world”.
Kjo menjëherë ndezi shkëndija për Grand Theft Auto 6 ose Bully 2, një tjetër lojë të cilës i mungon një vazhdim nga Rockstar. Ky njoftim pune në Rockstar North në Edinburgh, që ka qenë historikisht një nga studiot primare për lojërat e GTA, jep detaje të mëtejshme mbi atë që janë duke punuar.
Roli i Animation Systems Programmer do të merret me “zhvillimin e sistemeve të avancuara të animimit për lojëra të mëdha open-worldcharacter-based.”
Nuk është fort e habitshme që ky njoftim fokusohet në teknologjinë e gjeneratës së ardhshme, duke konsideruar që nga fundi i 2020s do të kemi lançimin e PS5 dhe Xbox Scarlett.
Duke marrë parasysh se sa shumë theksohet next-gen në këtë njoftim do të hamendësojmë se çfarëdo që Rockstar po planifikon, po e bën për PS5 dhe Xbox Scarlett. Gjithsesi lançimi i GTA V në dy gjenerata funksionoi shumë mirë, ndaj historia edhe mund ta përsërisë veten.
Njëkohësisht ekziston edhe mundësia që Rockstar është duke e vendosur Grand Theft Auto në plan të dytë pas suksesit të madh që GTA Online ende vazhdon të ketë. Kjo e fundit arriti një numër rekord lojtarësh që pas update-it Casino. Me pak fjalë është ende një burim i mirë të ardhurash për Rockstar.
Pa asnjë njoftim zyrtar dhe vetëm me leaks për tu bazuar në teoritë tona, mbetet të shpresojmë që GTA 6 të vijë sa më shpejt.
