Kur Kojima ia shpjegoi në fillim Death Stranding skuadrës së tij, “askush nuk e kuptoi!”

Përveç një spoti të vogël në një montazh trailer-i në konferencën për shtyp të Playstation në E3 2017, Death Stranding mungonte në E3. Njësoj siç tha Hideo Kojima. Por vetë ai ishte prezent për një sesion pyetje-përgjigjesh në E3 Coliseum për inspirimin kinematik pas lojërave të tij kur ai dha pak informacion mbi zhvillimin e Death Stranding duke ke thonë që as vetë skuadra e tij nuk e kuptoi se çfarë dreqin po fliste ai kur zbuloi në filim se çfarë dëshironte të bënte.

“Sa here kam një plan, e shpjegoj se çfarë po mendoj për sistemin e lojës,” tha Kojima nëpërmjet një përkthyesi. “Njerëzit e pare të cilëve ua shpjegova këtë ishte skuadra ime. Për Death Stranding, unë i shpjegova për herë të parë skuadrës një vit më pare se çfarë desha të bëja. Askush nuk e kuptoi! Sepse unë po përpiqesha të bëja dicka të re dhe ndryshe. Kështu që, unë personalisht mendoj që kur njerëzit të kundërvihen atëherë  je në rrugën e duhur. Kjo është bërja e lojërave për mua.”

Të paktën kjo do të thotë që Mads Mikkelsen nuk ishte i vetmi i cili ishte “i humbur” për Death Stranding kur Kojima u mundua t’ia shpegonte. Fatmirësisht, aktorit i duhej vetëm “background”-i i karakterit dhe motivet për të dhënë perfromancën që kemi parë deri tani. E njëjta gjë nuk mund të thuhet për njerëzit të cilët zhvillojnë sistemet e lojës dhe kompozojnë kinematikat e saj.

“Kur përpiqesh të bësh diçka të re, edhe pse njerëzit të kundërvihen, ajo është skuadra jote. Kam nevojë që skuadra ime ta kuptojë. Kështu që çdo ditë përpiqem t’i shpjegoj dhe të bind skuadrën time se ç’dua të bëj. Dhe ndërkohë që ne vazhdojmë përpara dhe bëjmë eksperimente të ndryshme, skuadra fillon të kuptojë qëllimin tim. Tani qëllimi im po arrihet dhe ajo ç’desha të bëja unë po funksionon. Dhe tani, çdokush në skuadër po thotë, ‘Jemi gjeni!’ Por unë i them që, ‘Jo, jo, jo, unë e mendova këtë!”