Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pas 7 vitesh, 3v3 do të hiqet nga LoL
Twisted Treeline u prezantua para 7 vitesh me qëllim që të sillte një eksperiencë më të shpejtë të League of Legends, por ky mode 3v3 e humbi sharmin e vetë gjatë viteve. Me numrin e lojtarëve që vazhdonte të binte, Riot vendosi t’i jepte fund.
Riot zbuloi në gusht se 3v3 do të hiqej nga League of Legends, por vetëm tani ata kanë zbuluar datën ekzakte dhe shpërblimet për lojtarët e dedikuar të këtij mode.
Twisted Treeline do të hiqet në fund të Season 9. Patch 2.22 do të jetë patch-i i fundit ku 3v3 do të mund të luhet, me Patch 9.23 që do të sjellë ndryshimet e preseason 10. Season 9 mbaron në 19 nëntor në 00:00.
Për lojtarët e vjetër të Twisted Treeline do të ketë dhe shpërblime. Ata që arritën Gold do të marrin Victorious Aatrox. Nëse keni luajtur 10 lojëra Twisted Treeline do të merrni një ikonë brenda lojës. Lojtarët që kanë mbi 50 lojëra do të marrin një emote dhe një ikonë, ndërsa ata me më shumë se 100 lojëra do të marrin një tjetër ikonë speciale.
Nuk dihet nëse Twisted Treeline do të rikthehet, por nëse kjo gjë ndodh, padyshim që Riot do të bëjë ndryshime të mëdha për ta përshtatur 3v3 me League of Legends modern. Prandaj, mos nxitoni të luani lojërat tuaja të fundit këto dy javë, përpara se ky mode të hiqet.
