Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
PUBG do të lëshohet për PS4, është thjesht çështje se kur, jo nëse.
Në ditët e sotme kemi lojëra battle royale që po na dalin nga veshët dhe nganjëherë duekt sikur po noton në një det lojërash si PUBG. Megjithatë, ajo që ende nuk mund të merrni është versioni PUBG PS4. Është ende në ajër, pavarësisht se është e njohur mirë se nuk do të jetë një ekskluzive e Xbox One përgjithmonë.
Kthehemi në dhjetor 2017, ku PUBG u lançua në Xbox One pas lirimit fillestar në Steam. Ishte fillimisht një titull i “Game Preview”, që do të thotë se nuk ishte përfunduar plotësisht, por gjithçka ndryshoi në shtator 2018, kur filloi update 1.0 duke shënuar kalimin e PUBG nga beta në lojën e plotë. Kjo është e rëndësishme për PUBG, pasi gjendja e Game Preview ishte një nga arsyet që nuk mund të vinte fillimisht në PS4. Megjithatë, ende nuk ka lajme për të kundërtën, por ne kemi disa fragmente të informatave PUBG PS4 që mund t’ju intrigojnë.
“Meqë do të jetë një titull ekskluziv në Xbox One për disa kohë, ne do të dëshironim të fokusohemi në kompletimin e Xbox One PUBG për tani”, thotë Chang Han Kim, CEO i PUBG Corporation. “Nëse kemi mundësi, qëllimi përfundimtar do të ishte të lançonim titullin në çdo platformë”.
“Patjetër që kemi plane për platforma të tjera”, shton Kim në një intervistë për Business Insider në qershor të vitit 2017. “Por asnjë detaj nuk është finalizuar ende”.
Nuk është hera e parë që ose Kim ose krijuesi Brendan Greene kanë përmendur idetë e dëshirës për PUBG në çdo platformë. Duket se dominimi total nuk është vetëm ideja për gameplay.
“Dua që PUBG të bëhet një ekskluzivitet i mediave universale bazuar në lojë. Ne duam të marrim pjesë në industri të ndryshme, duke përfshirë eSports, filma, drama, cartoons, animacion, dhe më shumë. Në fakt, morëm disa telefonata nga një numër i zhvilluesve në Hollywood dhe Netflix. Ëndrra jonë është të ndërtojmë një kulturë të re të bazuar në lojë përmes mënyrave të ndryshme si kjo dhe të kemi drejtimin e asaj kulture “, thotë Kim në intervistën e tij.
