Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hehe, por prapë asgjë nuk dihet rreth tij : )
Sipas yllit të Better Call Saul (spin-off i Breaking Bad), Bob Odenkirk, filmi i Breaking Bad i ka mbyllur xhirimet. Aktori e dha lajmin gjatë një interviste dhe u shpreh mjaft i habitur që askush nuk ishte në dijeni të këtij fakti.
“Unë nuk e di se çfarë dinë dhe se çfarë nuk dinë njerëzit, por më duket e vështirë ta besoj që nuk e dinit që xhirimet kishin mbaruar. E ke parasysh, si mund të jetë një sekret kjo gjë? Por si duket është. Ata paskan bërë një punë fantastike për ta mbajtur të fshehtë.” Është shprehur Odenkirk teksa po diskutonte mbi filmin.
Lajmi është surprizues për disa arsye. Në rradhë të parë ka shumë gjëra që ne ende nuk i dimë mbi filmin, si përshembull historia ose vendi ku do të ndodhin ngjarjet. Të zbulosh që ky projekt ka shkuar aq larg sa ka mbyllur xhirimet është pak e habitshme.
Gjithashtu, nëse Odenkirk sugjeron se regjizorët u munduan shumë për ta mbajtur të fshehur faktin se xhirimet kishin mbaruar, pse duhet ta zbulonte kaq thjesht ai këtë lajm? Nuk është se ka shumë kuptim, por në të njejtën kohë as nuk kemi pse ti vëmë në dyshim fjalët e aktorit.
Pas një periudhe të gjatë heshtjeje mbi këtë projekt, Bryan Cranston dhe Aaron Paul, që kanë portretizuar Walter White dhe Jesse Pinkman, kanë hedhur shenja mbi përfshirjen e tyre nëpër media sociale.
Duke parë se si Walter White vdiq në fund të Breaking Bad, do të kishte sens që të ishte Jesse Pinkman protagonisti i filmit me Bryan Cranston që mund të merrte përsipër rolin e tij si Walter në sekuenca flashback-u.
Një prequel me të dy aktorët pastaj nuk do të kishte shumë sens, pasi jeta e të dy personazheve filloi të bëhej interesante kur filloi Breaking Bad. Walter White ishte i mërzitur me jetën e tij si mësues kimie dhe Pinkman ishte thjesht një shpërdarës i vogël metamfemine.
Gjithsesi derisa të mësojmë më shumë gjëra për filmin, fansat e breaking bad duhet ti hedhin një sy Better Call Saul, nëse ende nuk e kanë parë.
