Microsoft ka lëshuar videon e parë të gameplay të Forza Horizon 4.
Në bashkëpunim me Playground Games, kompania amerikane ka paraqitur mjaft kontent nga loja e shumëpritur. Gameplay paraqitet nga Ralph Fulton, drejtori i lojës. Loja do të përmbajë ndryshime sezonale një herë në javë. Ne shohim shumë elementë interesantë si pamjet e ndryshme të makinave gjatë garës, karakteret dhe përshtatjen e makinave.
Ne gjithashtu shohim shumë ndërtesa dhe kthimin e ‘drone mode’. Për më tepër, ne shohim gara kundër ‘drivatars’ siç i quajnë, të cilat do të sigurohen si një mundësi megjithëse është një video-lojë kryesisht online, siç ka deklaruar zhvilluesi i saj.
Forza Horizon 4 do të lançohet më 2 tetor për PC dhe Xbox One.