Kanali i Trump bëhet ban në Twitch

Kanali kishte thyer rregullat e platformës.

Në tetor të 2019s, presidenti i SHBA, Donald Trump, hapi kanalin e tij në Twitch. Tani, kanali i tij është pezulluar përkohësisht nga Twitch pasi ka dhunuar rregullat e Twitch kundër ngacmimeve dhe fjalimeve negative dhe të urryeshme kundër rracës, gjinisë etj.

“Hateful conduct nuk lejohet në Twitch,” u shpreh një nga përfaqësuesit e platformës në një deklaratë. “Duke ndjekur politikat tona, kanali i Presidentit Trump është pezulluar përkohësisht nga Twitch për shkak të komenteve të bëra në stream dhe përmbajties ofensive që tashmë është hequr.”

Twitch citoi dy shembuj të këtyre akuzave: Një fjalim i bërë nga 2016, që së fundmi u ritransmetua në Twitch. Këtu Trump demonizonte imigrantët, duke e akuzuar Meksikën se dërgonte drogaxhinj dhe përdhunues në SHBA. Rasti tjetër ishte i muajit të kaluar pastaj, në Tulsa, Oklahoma, në të cilën ai e përsëriti sërish këtë akuzë.

Përfaqësuesi gjithashtu tha se Twitch i kishte dërguar më parë një deklaratë presidentit kur kanali i tij u hap vitin e shkuar, duke e paralajmëruar se shkeljet e rregullave nuk do të toleroheshin.

Twitch ka patur një përqasje shumë më agresive kohët e fundit ndaj baneve që jep. Kohëzgjatja e pezullimit të kanalit të Trump nuk është bërë ende e ditur, por ky lajm erdhi në të njejtën ditë që Reddit bëri ban edhe r/The_Donald, subreddit-in më të madh pro Trump.

Trump vazhdon të mbetet aktiv në Twitter.