Dy kampion të rinj do të vijnë në League of Legends në eventin e verës

Eventi i verës pritet të jetë gjigand

Season 10 tashmë ka ardhur në League of Legends, duke sjellë kampionin e ri Sett, një reset të ranked dhe më shumë. Por, zhvilluesit e Riot Games gjithashtu kanë folur dhe për kampionët e ardhshëm të League of Legends, duke treguar se edhe më shumë na presin.

Në videon që mund të shihni më poshtë, drejtori i zhvillimit të kampionëve në League of Legends Ryan ‘Reav3’ Mireles thotë: “kemi provuar disa taktika për lançimin e kampionëve në League of Legends gjatë viteve të fundit,” – duke shpjeguar se një prej tyre është lidhja e kampionëve me evente të ndryshme. Për shëmbull, Qiyana u lançua së bashku me grupin e hip hop True Damage, ndërkohë që Aphelios erdhi me eventin Night and Dawn, të cilat ishin të dyja shumë të suksesshëm. Zhvilluesi thotë se kjo do të vazhdojë edhe gjatë 2020.

Ai gjithashtu hodhi disa shenja drejt kampionëve të rinj që pritet të vijnë gjatë 2020. Një prej tyre pritet të jetë një jungler i cili do të “çelë”, ndërsa tjetri një “kampion i maskuar i cili refuzon të vdesë.” Nuk dihet se çfarë Riot do të thotë ekzaktësisht me këto fjalë, por duket se kampionin e dytë e kemi parë më herët në lojë, pasi Mireles thotë se “disa demona duhet të mbesin në të shkuarën.”

Përveç këtyre dy kampionave të cilët pritet të vijnë në verë, Riot gjithashtu do të sjellë edhe të tjerë gjatë 2020, por më shumë informacion për ta do të zbulohet për ta gjatë vitit.

Zhvilluesit gjithashtu zbuluan se edhe këtë vit do të zhvillojnë një sondazh ku lojtarët mund të zgjedhin kampionin që ata duan që të bëhet rework në 2021. Ky sondazh pritet të mbahet më vonë gjatë këtij viti.