Ju mund ta filloni Cyberpunk 2077 si një nomad që jeton jashtë qytetit

Qëndroni pak në Badlands, përpara se të eksploroni Night City.

Vitin e shkuar CD Projekt Red zbuloi se do të kishte tre lloje të ndryshme origjinash (Nomad, Corpo ose Street Kid), që ju mund të zgjidhnit për personazhin tuaj, kur të fillonit të luanit Cyberpunk 2077. Duke parë raportime të ndryshme të bërë nga lojtarë që kanë patur mundësi ta provojnë lojën, do ju shpjegojmë më poshtë se si është loja nëse zgjidhni origjinën Nomad.

Nomad është praktikisht origjina që ju duhet të zgjidhni nëse doni të shikoni disa pamje të hershme të Badlands. Juve do ju jepet mundësia të eksploroni zonën pavarësisht zgjedhjes tuaj, por nëse doni vërtet që ta shijoni siç duhet shkretëtirën dhe të merreni me sherifat e qyteteve të vogla, atëherë Nomad është zgjedhja e duhur për ju.

Dikur si pjesë e një bande nomade, ju tashmë jeni i vetëm dhe duhet të ruani kokën tuaj. Ju menaxhoni duke punuar solo. Një prej punëve që ju do të bëni është që të fusni diçka ilegale në Night City. Kjo është rruga që do ju çojë ju nga prologu në lojën kryesore dhe përmes kësaj mënyre do të takoni Jackie.

Ju merrni një makinë direkt. Një maikinë të thyer në këtë origjinë që keni zgjedhur, por fatmirësisht keni aftësi të shkëlqyera si mekanik, ndaj mund ta rregulloni atë sa herë që ju lë në baltë dhe të vazhdoni përpara me rrugën tuaj. Nga ajo pikë mund t’i jepni makinës rreth e qark, të eksploroni pak, ose të nxitoni drejt punës tuaj. Pasi të keni bërë këtë, loja do të kalojë përpara gjashtë muaj, ku ju do të gjendeni në Night City, duke punuar një punë të re.

Data e lançimit të Cyberpunk 2077 është shtyrë për në 19 nëntor. Loja do të vijë për PC, PS4, PS5, Xbox One dhe Xbox Series X.