Jared Leto diskuton rikthimin si Joker: “Vështirë t’i thuash jo atij personazhi”

Sado kontradiktor mund të ketë qenë interpretimi i Jared Leto për personazhin e Joker, aktori do të rikthehet prapë në rol tek Zack Snyder’s Justice League. A do të rikthehet Leto sërish, pas transmetimit të filmit, atë gjë ende nuk e dimë.

Duke folur në podcast-in e Variety Awards Circuit, aktori përmendi një rikthim të mundshëm: “Është e vështirë t’i thuash jo atij personazhi. Ka vetëm pak personazhe që mund të luash që nuk kanë absolutisht fare rregulla. Është shumë qef, ajo lloj energjie. Jam kënaqur shumë me atë personazh.”

Sado që kjo mund të sjellë një reagim të miksuar nga fansat, ja vlen të përmendim se regjizori i Suicide Squad, David Ayer, ka thënë se version i Joker që del në atë film nuk e reflekton performancën e Leto: “Jared u keqtrajtua shumë gjatë kësaj. Askush nuk e ka parë performancën e tij. Ajo u hoq nga filmi.”

Gjithsesi, duket se Leto do ishte mëse i gatshëm për t’u rikthyer në rolin e tij. Ndoshta ai do të ketë mundësinë të shkëlqejë pak më shumë si Joker, në filmat e ardhshëm.