Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Problemi i hacking në Rainbow Six: Siege sa vjen e përkeqësohet
Kur has cheater në Rainbow Six: Siege, ata zakonisht janë duke përdorur një kombinim aimbot, wallhack dhe rutinash për DDOS, të cilat janë të gjitha mënyra shumë të drejtpërdrejta dhe të thjeshta për të marr vrasje dhe për të mbajtur humbjet larg historisë së tyre. Por një lojtar tashmë ka hasur një hack i cili e lejon atë që e përdor të ndryshojë kompozimin e ekipit kundërshtar duke ndryshuar operatorët pasi ata janë zgjedhur.
Një lojtar kroat i Siege i quajtur Lakii postoi një video në Twitter ditën e shtunë që tregon se si operatori i tij ndryshohet në mënyrë automatike nga një lojtar i ekipit kundërshtar. Duke luajtur në ekipin mbrojtës, Lakii zgjedh Caveira, duke konfirmuar zgjedhjen e tij.
Më pas, ai merr një mesazh në chat nga një lojtar, i cili në mënyrë shumë ironike quhet LOLXDFUNNYMEME.
“Prit,” – lexon teksti
“Çfarë?” – kthehet Lakii
Ekrani nxihet dhe Caveira hiqet nga ekipi i tij, për t’u zëvendësuar nga Bandit.
“Ti luan Bandit tani,” – thotë LOLXDFUNNYMEME
Klipi i audios në lojë janë thjesht dy lojtarë të cilët po qeshin me atë që po shohin dhe padyshim që kur shikon një klip online situata është qesharake. Megjithatë, nëse ky është një cheat që lojtarët mund ta marrin lehtësisht, atëherë ky është një problem shumë i madh për arsye që as nuk ia vlen të diskutohen.
Shikoni klipin më poshtë:
so apparently cheaters can change your operators now @UbisoftSupport pic.twitter.com/2tnbFnpRWZ
— Lakii (@Lakii_R6) September 28, 2019
Lakii bëri tag Ubisoft Support në tweet, që tregon se ky problem nuk është një prank thjesht për t’u bërë i famshëm në internet. Në një postim të mëvonshëm, Lakii tha se e hasi sërish LOLXDFUNNYMEME në Ranked dhe ai mund të ndryshonte skin-et e lojtarëve e madje dhe t’iu jepte atyre access tek skin-et e zhvilluesëve.
Deri tani, ky nuk duket një fenomen i shpërndarë gjërësisht, dhe kjo mbase ka ndodhur sepse tashmë është një moment i keq për të qënë hacker në Rainbow Six: Siege. Lojtarët përgjegjës për sulmet DDOS që prishnin ndeshje po bëhen ban përgjithmonë nga Ubisoft.
Megjithatë, ky hack është shumë i sofistikuar, pasi për të funksionuar duhet të futesh në elementet backend të lojës dhe të kontrollosh aspekte që menaxhohen nga serveri. Megjithatë, supozohet që ai të jetë dhe më i lehtë për t’u gjetur dhe për t’u hequr.
