Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Stenda e RDR 2 në Rockstar North është hequr, duke indikuar ardhjen e një loje të re.
Grand Theft Auto 6 ose një tjetër lojë e Rockstar Games do të njoftohet së shpejti.
Në zyrat e Rockstar North një baner i madh i Red Dead Redemption 2 është hequr. Kjo stendë ka qenë aty që kur është bërë njoftimi i Red Dead Redemption 2 dhe ka qëndruar aty edhe pasi loja u lançua. Fakti që ajo është hequr duket të indikojë se Grand Theft Auto 6 ose një tjetër lojë e Rockstar, hamendësimet tona do të ishin Bully 2, do të njoftohet së shpejti.
Përpara banerit të Red Dead Redemption 2, fasada kryesore e Rockstar North ka patur një baner të Grand Theft Auto V. Kjo e përforcon edhe më shumë teorinë se diçka e re do të njoftohet në të ardhmen e afërt.
Për momentin shumë pak gjëra janë të ditura për Grand Theft Auto 6. Pak muaj më parë një leak doli që thoshte se looja do të zhvillohej në qytete të ndryshme. Deri më tani ai është leak-u më i madh i GTA 6, por si zakonisht problemi me leaks është që nuk mund t’ju besosh kurrë 100%.
Sipas leak-ut, GTA 6 do të zhvillohet në qytete të mëdha të botës, ku lojtarët mund të udhëtojnë sa nga njëri te tjetri. Mendohet se në lojë do të luani si një lord droge që fillon si amator në Liberty City, duke bërë grabitje të vogla, por që me kalimin e kohës i bashkohet një gang-u të madh në Vice City. Si duket do të keni një farë përgjegjësie mbi një biznes në Liberty City, përpara se të kaloni në Vice City.
Grand Theft Auto 6 ende nuk është zbuluar zyrtarisht. Sipas disa teorive loja është shumë afër e sipas disa të tjerave mendohet që mund të duhet të presim edhe disa vite për të. Gjithsesi vetëm koha do na tregojë secilat janë planet e Rockstar për lojën më të shumëpritur të të gjitha kohërave.
