Green Day do të performojë në The Game Awards

Wake me up kur të fillojë Game Awards.

Kushdo që do të shohi The Game Awards në datë 12 dhjetor, tashmë e di që do të shohi ndarjen e çmimeve për nominimet e përzgjedhura në disa kategori të ndryshme për lojërat. Gjithsesi, duket se gjithashtu shikuesit do të shohin një performancë muzikore të një prej bandave revolucionare të punk-rock.

Geoff Keighley, producent dhe krijues i The Game Awards njoftoi këtë javë se Green Day do të të ishin të ftuar në shfaqje për ti dhënë të gjithëve një “performancë të veçantë të frymëzuar nga videolojërat dhe një njoftim.”

Njoftimi për performancën e Green Day në The Game Awards u postua në Twitter, përmes një videoje me animim të shkurtër të Billie Joe Armstrong, Tré Cool dhe Mike Dirnt.

Ajo çfarë na bën kuriozë drejt këtij njoftimi është se performanca e tyre do të ketë një lloj lidhjeje me videolojërat në të. Çfarëdo që mund të jetë kjo, është diçka që sipas Keighley ka qenë të punë e sipër prej muajsh. Sipas njoftimit Green Day do të bëjë edhe një njoftim gjatë kësaj performance, ndaj do të jetë interesante të shohim se çfarë mund të jetë.

Game Awards tashmë e ka bërë publike listën e plotë të kategorive dhe nominimeve. Në konkurim për lojën e vitit gjenden: Control, Death Stranding, Resident Evil 2, Sekiro: Shadows Die Twice, Super Smash Bros. Ultimate dhe The Outer Worlds.

Game Awards do të mbahet në datë 12 dhjetor. Tani që do të performojë dhe Green Day në të, unë e sigurt që do e shikoj.