Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Konsola e Google do të ketë “lag negativ”
Google Stadia do të jetë më e shpejtë dhe do të performojë më mirë se konsolat lokale pas një viti ose dy, sipas zëvendës-presidentit të inxhinierisë Madj Bakar. Falë disa ndryshimeve në konfigurimin e konsolës, Google beson se platforma e saj do të jetë më e shpejtë se çdo sistem tjetër gaming në të ardhmen, pavarësisht se sa të fortë bëhen ata. Por nëse sistemi po luan vetë, a quhet?
Madj Bakar tha në një intervistë se kompania është afër arritjes së superioritetit në gaming me shërbimin e tyre cloud, Stadia, falë avancimeve në modelim dhe mësimin e makinerive. Ata po tentojnë të marrin kurorën e performancës në lojëra pas pak vitesh.
“Pas një vitit ose dy, mendojmë se do të kemi lojëra që punojnë më mirë në cloud sesa lokalisht, pavarësisht sa e fuqishme është makina lokale,” – tha Bakar.
Kjo mund të arrihet duke përdorur teknologjinë që po zhvillon Google për streaming, të cilën ata kanë kohë që e tregojnë që kur Stadia u zbulua vjet me Project Stream. Kompania beson se teknologjia e tyre mund të kalojë pengesat që ka gaming nëpërmjet internetit, pavarësisht se qëndrat e të dhënave dhe serverat mund të ndodhen disa qindra milje larg përdoruesit.
Bakar flet specifikisht për “vonesën negative” të Google, që do të jetë një mënyrë për të kaluar lag-un midis lojtarit dhe serverit. Ky term përshkruan një amortizator të një vonese të parashikuar brenda lidhjes që ka Stadia me internetin, nëpërmjet së cilës sistemi Stadia do të heqë lag-un. Kjo mund të përfshijë rritje shumë të shpejtë të FPS për të ulur vonesën midis input-it të lojtarit dhe pamjes, ose dhe parashikimin e input-it të përdoruesit.
Po, e lexuat në rregull. Stadia mund të parashikojë çfarë veprimi, butoni ose lëvizje do të bëni dhe do e bëjë gati atë për ty. Diçka e frikshme apo jo?
Kjo qasje fleksible është e mundur për shkak të fuqisë së madhe që do të ketë shërbimi cloud, që me shumë mundësi do të jetë më i fuqishëm se çdo konsolë lokale. Megjithatë, duhet ende që teknologjia të zhvillohet në një pikë që i lejon zhvilluesit ta implementojnë atë.
Google është shumë i bindur që Stadia do t’i kënaqë përdoruesit e saj. Megjithatë, duhet të presim deri sa Stadia të lançohet në nëntor për të parë se si këto algoritme do të funksionojnë në botën e vërtetë.
