Gjykatësja thotë se Epic nuk u tregua i sinqertë në veprimet e tij ndaj Apple

Përballja ligjore mes Epic Games dhe Apple agravoi në hapa të tjera dje, me gjërat që nuk duken shumë mirë për Epic. Siç është raportuar nga CNN, gjykatësja Yvonne Gonzales Rogers ishte kritik për vendimet e marra nga Epic para padisë, duke thënë se kompania nuk ishte “e sinqertë” kur lançoi update-in e famshëm të Fortnite, që i lejonte përdoruesit të anashkalonin tarifën e 30% të Apple.

Gjykatësja u duk të sugjeronte se veprimet e Epic në fakt justifikonin mbrojtjen e Apple për politikat e tij në App Store. “Ju bëtë diçka dhe gënjyet qëllimisht për të. Ky problem është dhe çështje sigurie. Ka shumë njerëz në publik që ju konsiderojnë heronj për atë që bëtë, por sërish nuk është gjë e sinqertë.”

Ajo gjithashtu refuzoi argumentin e Epic dhe heqja e Fortnite nga App Store ka shkaktuar dëme, sepse lojtarët e iOS kanë plot mënyra për ta marrë lojën.

Kjo nuk është një humbje për Epic, por padyshim që nuk është një lajm i mirë. Gjykatësja gjithashtu tha se do të donte që gjygji tamam të mbahej përpara një jurie dhe paralajmëroi se për shkak të orarit të saj të ngjedhur, çështja nuk do të shkojë në gjyq deri në korrik të 2021.