Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kur do t’a bëjë Apex Legends kalimin në mobile?
Apex Legends nuk është loja e parë që ka ardhur nga PC dhe konsolat në platformat mobile, duke parë se si lojëra si Hearthstone, Fortnite Battle Royale dhe PUBG kanë bërë më herët po të njëjtën gjë. Tani, është rradha e battle royale-s nga Respawn Entertainment për t’i hedhur sytë nga tregu i lojërave në smartphone, por kur do të kenë mundësi lojtarët t’a luajnë lojën?
Gjatë një konference në 7 maj, EA konfirmoi se nuk ishin të kënaqur që loja të luhej vetëm në PC, Xbox One dhe PS4 e se kishin në plan të sillnin lojën në platforma të reja në të ardhmen. EA shpalosi hapur qëllimet e saj për të sjellë Apex Legends në mobile, duke e bërë lojën më të aksesueshme për lojtarët që mbase nuk kanë një PC ose konsolë për t’a luajtur atë, por edhe për ata që duan të vazhdojnë t’a luajnë lojën ndërsa janë në lëvizje.
Sipas kompanisë, thuajse 30% e lojtarëve të Apex Legends ishin tërësisht të rinj e nuk kishin luajtur kurrë një lojë nga EA. Pra, lançimi i battle royales në më shumë platforma duhet që teorikisht t’i japë mundësinë një audience edhe më të madhe të luajë lojëra të EA, duke i bërë ata edhe më të interesuar në lojërat e tyre të tjera.
$EA Conference Call:
— Daniel Ahmad (@ZhugeEX) May 7, 2019
- Subscriptions are important for EA. Will bring subscription services to more platforms + add more games + improve technology/tools.
- Subscriptions are profitable for EA.
- Experimenting with new games launching into the service + adding 3rd party games
Duke qënë se nuk është bërë asnjë lajmërim për lançimin e lojës, është e vështirë të dihet se në cilët smartphone do të luhet loja. Duhet patur parasysh se Apex Legends është një lojë teknike dhe me një hartë shumë të madhe dhe ka mundësi që disa versione më të vjetra të iPhone dhe Android mund të mos përfshihen.
Duke parë se Apple pritet të ndalojë suportimin e iPhone 6 dhe 6+ më vonë gjatë këtij viti, mund të parashikojmë se iPhone më i vjetër i cili mund të luajë Apex Legends do të jetë iPhone 7, por gjithçka do të merret vesh më mirë kur Respawn të publikojë listën e plotë.
Por, pyetja më e rëndësishme është se kur do të vijë Apex Legends në mobile. Deri më tani, nuk ka asnjë datë zyrtare lançimi. Edhe pse EA zbuloi planet e saj, ata nuk iu dhanë fansave një ide të qartë se kur loja do të lançohej. Megjithatë, duhet patur parasysh se në këtë konferencë, EA po diskutonte planet e saj për Q3 të 2019, çka do të thotë se Respawn mbase po planifikon lançimin e lojës në vjeshtë, gjë e cila gjithashtu do të koincidonte me përfundimin e sezonit 2 të Apex Legends.
Ende nuk ka asnjë zë mbi një datë fikse, por ne gjithsesi mezi e presim lançimin e Apex Legends Mobile.
