Zbulohen detajet për Gamescom 2020

Muajin që lamë pas, organizatorët e Gamescom njoftuan versionin dixhital të konferencës vjetore që do të mbanin për 2020, pas shpërthimit të pandemisë së coronavirus në të gjithë botën. Tani janë publikuar edhe më shumë detaje për ato që duhet të presim, si datat dhe lajmet që do të shohim në të.

Këto u zbuluan pas një konference për shtyp në faqen e Gamescom, kur Geoff Keighley njoftoi se Gamescom 2020 do të zhvillohet në mënyrë dixhitale gjatë datave 27-30 gusht. Eventi i 2020 do të përbëhet nga disa evente kyçe përbërëse të tij si Gamescom Now, i cili do të jetë burimi i parë për të gjitha lajmet, premierat botërore etj. Opening Night Live përshembull do të jetë pjesë e këtij sektori.

Përtej shfaqjes së hapjes, që do të zhvillohet në 27 gusht, do të ketë një event tjetër Gamescom: Awesome Indies, me njoftime dhe lajme për lojërat më të mira indie që do të vijnë së fundmi. Një segment tjetër i quajtur Gamescom: Daily Show do të eksplorojë dhe do të zgjerojë të gjitha gjërat që do zbulohen dita ditës.

Përtej kësaj do të kemi Gamescom Studio, që do të sjellë intervista dhe update nga njoftimet kyçe dhe Gamescom: Best of Show, që do të bëjë një përmbledhje të të gjithë eventit. Duket se duhet të bëhemi gati për një event të madh dixhital më vonë gjatë verës.