Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Federal Trade Comission mund të kishte vënë një shembull me Facebook, por nuk dinte nëse ishte në gjendje të përballej me të.
Facebook, një kompani që vitin e shkuar pati $55 miliardë fitime, do të marrë një gjobë të “rëndë” nga FTC (Federal Trade Commission) kur të raportojë fitimet për çerekun e dytë të 2019s. Kompania si duket është shumë e madhe për tu rrëzuar dhe kjo është arsyeja pse agjensia ka rënë dakord për një shumë më të pakët nga çfarë duhej, duke theksuar inkompetencën e saj për të ndëshkuar gjigandët e teknologjisë.
Më herët gjatë këtij muaji, doli lajmi se Facebook kishte arritur një marrëveshje me FTC për të paguar $5 miliard për historikun e tij të dhunimit të privatësisë dhe të dhënave personale të përdoruesve. Të gjithë kritikat dhe ligjvënësit e kanë vënë në dyshim efektin që kjo gjobë do të sjellë te kompania dhe sa do e frenojë atë që të mos e bëjë sërish të njejtën gjë. Mbi të gjitha për faktin se Facebook u rrit edhe më shumë me daljen e këtij lajmi.
Tani një raportim i ri, zbulon diçka edhe më shqetësuese. Një agjensi që ishte në pozita të shkëlqyera për të vendosur preçedentë dhe për ti paralajmëruar kompanitë e tjera që të mos tregohen aq të papërgjegjsheme sa Facebook, por nuk e bëri. FTC tha se do ta finalizonte hetimin 16 mujor në ditët e ardhshme dhe se Facebook do të formonte një skuadër të specializuar të fokusuar në privatësinë e përdoruesve të tij.
Si duket, agjensia fillimisht donte ta gjobiste Facebook me një shumë më të madhe, të dhjetëra miliarda dollarëve. FTC gjithashtu donte ta mbante Zuckerberg përgjegjës për veprimet e tij, mbi të gjitha për faktin që aksionerët e kompanisë donin ta zëvendësonin por nuk kishin fuqinë e duhur për ta bërë.
Avokatët e Facebook kundërshtuan shumë në propozimin e FTC për ta marrë nën urdhra Zuckerberg, duke shkuar në ekstrem për të mos lejuar mënjanimin e tij nga kompania.
Skuadra ligjore e kompanisë ishte gati të shkonte në gjyq për të mbrojtur CEO e tyre dhe FTC kishte frikë se nuk kishte mjetet e duhura për ta vënë poshtë gjigandin e medias sociale, ndaj ra dakord për një shumë më të vogël. Ndërkohë Facebook vazhdon të jetë një monopol, i paprekur nga ndodhi të tilla.
