Fox thotë se më shumë lojëra Alien po vijnë për mobile

Më shumë lojëra Alien janë në punim e sipër, ka thënë Fox teksa një kontraditë lindi nga njoftimi i një loje të re mobile e bazuar në këto seri.

Këtë javë FoxNext Games, pjesa e Fox që po përpiqet të çajë para në botën e video-lojërave njoftoi Alien: Blackout, një lojë mobile me protagoniste Amanda Ripley.

Blackout u përball me reagime negative nga shumë fansa të Alien që kishin krijuar pritshmëri për diçka tjetër. Nuk ndihmoi as pjesa që Fox hodhi kunja drejt një loje të re me Amanda Ripley, protagonistja pas Alien Isolation. Pra disa shpresa të rreme u krijuan mes audiencës. Kjo solli dyshime rreth lançimit të Alien Isolation 2.

Në këtë kontekst Alien: Blackout është sulmuar nga publiku edhe në mediat sociale. Kjo situatë ngjan pak si dejavu kur e krahason me pozicionin e ngjashëm që ishte Blizzard pas lançimit të lojës mobile, Diablo Immortal. Traileri zyrtar i Alien: Blackout ka 9200 dislikes dhe vetëm 408 likes…Ups!

Nuk mund të mungonte as debati nëse Alien: Blackout ishte ose jo pasardhësi Alien Isolation.

“Do të donim të sqaronim se Alien: Blackout është një lojë më vete e cila thjesht qëllon të ndajë Amanda Ripley si personazh kryesor. Nuk është në asnjë lloj mënyre e lidhur me një vazhdim të Isolation.”

Tweet-i i mësipërm premton aventura të reja me Amanda Ripley. Padyshim që kjo i referohet lojërave, por me rastin që patëm me Alien: Blackout do të thonim që një vazhdim i Alien Isolation duket mjaft larg.

Të paktën dimë se studioja e FoxNext Games’, Cold iron Studios po punon momentalisht me një multiplayer online shooter të vendosur në universin e Alien për konsola dhe PC.