Ky ndryshim në Fortnite mund të zhdukë Pleasant Park

Fansat e Fortnite që kanë vizituar Pleasant Park mund të kenë vënë re një ndryshim të madh në hartën e lojës, me disa lojtarë që kanë sugjeruar se ky mund të jetë fundi për një nga vendndodhjet më të famshme të hartës.

Sezoni i parë i kapitullit të dytë të lojës është duke ardhur drejt fundit, me sezonin e dytë që pritet të nisë në shkurt. Detyrimisht me një sezon të ri dhe një update të madh që do të afrohet me të, fansat e battle royale-it të Epic po kërkojnë për të dhëna mbi ndryshimet që do të bëhen në lojë. Disa prej lojtarëve mendojnë se Pleasant Park do të zhduket.

Qyteti, që ka qenë pjesë e hartës së Fortnite që në fillimin e lojës, ishte i mbuluar me borë përgjatë periudhës festive, por kur bora shkriu fansat vërejtën se ishte i mbuluar me pluhur dhe dhe. Segmente të mëdha të rrugës që kalonin përmes qytetit, bashkë me zona bari dhe trotuaresh ishin zhdukur. Gjithçka kishte mbetur ishin disa vende parkimi dhe shenjat e qarkullimit rrugor.

Kjo u vërejt për herë të parë në datë 10 janar nga një përdorues i quajtur LuTrex. Videoja e postuar në Twitter shumë shpejt u bë virale, duke marrë me mijëra likes dhe qindra komente nga njerëz që po spekulonin për nënkuptimin e këtyre ndryshimeve.

Me gjithë hype-in që ka kapur komunitetin për Season 2, shumë njerëz besojnë se kjo është një shenjë se Pleasant Park do të zhduket. Gjithsesi, asgjë nuk është konfirmuar nga Epic Games. Disa besojnë se mund të jetë thjesht një glitch, por fakti që kjo gjë u shfaq pas shkrirjes së borës dhe në prag të sezonit të ri, le shumë vend për dyshime.

Nëse Pleasant Park do të zhduket nga harta apo jo mbetet që të shohim, por do ju këshillonim që të mbanit një sy andej gjatë këtyre ditëve.