Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Jeni gati për bashkëpunimin e tretë këtë sezon?
Epic Games zbuloi bashkëpunimin Fortnite x Jordan për patch-in 9.10 që u lançua sot. Të gjithë lojtarët do të kenë akses në një LTM të re që quhet Downtown Drop, e cila është dizenjuar në Creative nga disa lojtarë. Epic thotë se lojtarët “duhet të bëjnë kërcime gjigande dhe të mbledhin monedha për të fituar“.
Pjesa tjetër e këtij eventi special është lançimi i disa sfidave të veçanta. Një prej tyre përfshin të gjithë lojtarët e Fortnite dhe do t’i lejojë atyre të marrin back bling-un si skateboard Back Board dhe 9 stile për të. Një set tjetër është ekskluziv për ata që blejnë bundle-in Hang Time dhe përfshin dy personazhe të reja të cilët kanë veshur Air Jordans. Këto sfida do t’i lejojnë lojtarët të marrin stile të reja për të dyja skin-et dhe 4 spraje.
Ende nuk është e qartë se sa do të kushtojë ky bundle dhe për sa kohë do të qëndrojë në Item Shop. Sfidat e tij, sipas dataminers, do i bëjnë blerësit të luajnë Creative për të mbledhur sende për të marrë stile të reja, të cilat ndryshojnë ngjyrat e veshjeve të lojtarëve.
Nuk do të ketë asnjë ndryshim në battle royale-n standarte nga bashkëpunimi Fortnite x Jordan. Ky është eventi i tretë ku Fortnite ka bashkëpunuar me një kompani tjetër gjatë këtij sezoni dhe ndjek të njëjtën ide si dhe ato të mëparshmet. Fansat mund të blenin skin-et dhe të luajnë LTM-të e Endgame dhe John Wick. Ndërkohë, jemi akoma në javën e tretë të sezonit 9 të Fortnite.
Epic ende nuk e ka zbuluar datën e përfundimit të këtij bashkëpunimi. Lojtarët mund të hidhen në hartë për të luajtur këtë LTM dhe për të blerë sendet e reja duke nisur nga sot.
