Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kishte një kohë kur Fortnite ishte në majë të Twitch, si një konkurencë e fortë, që zhvillues të shumtë mundoheshin ta mundnin. Por sa herë që një prej këtyre lojërave dilte në skenë, kishin një moment të vogël vëmendjeje dhe pastaj thjesht binin në tatëpjetë.
Në 2018 dhe 2019, disa lojëra të rendësishme u prezantuan në tregun e battle royale, secila me avantazhet e tyre. Tentativa fillestare e Call of Duty në zhanrën e battle royale në vjeshtën e 2018s kishte fatin që ishte e lidhur me një nga shooterat më të mëdhenj të botës së gaming. Apex Legends erdhi më vonë si një këndvështrim i EA mbi këtë battle royale dhe shikueshmëria e saj në Twitch gjatë javëve të para theu rekorde.
Për pak javë të dyja lojërat kishin potencialin të ishin në krye të Twitch, por me kalimin e kohës ato binin dhe Fortnite dilte të ishte gjithmonë një hap para. Epic nuk ka frikë të bëjë ndryshime drastike në lojë dhe kjo e ka mbajtur Fortnite vazhdimisht drejt majave.
Gjithsesi, pas lançimit të Chapter 2 Season 4 në 27 gusht, pozitat e Fortnite duken të lëkundura. Kjo ndoshta edhe prej konkurencës së madhe që sjell Warzone.
CHAPTER 2 SEASON 4
Sezoni i Fortnite ishte i mbushur me çdo gjë që mund të dëshironte një fans i comic books. Cosmetics me superheronjtë e Marvel janë kudo dhe ka edhe “Mystic Weapons” që i bëjnë lojtarët të ndjehen si një superhero i Marvel në lojë.
E fokusuar në Nexus War, tematika e këtij sezoni është mjaft unike. Në ditën e parë të sezonit loja kapi 459,000 shikime në Twitch dhe gjeneroi mbi 42 milionë orë të para gjatë dy javëve të fundit. Sado që këto statistika duken mjaft mbreslënëse, ato janë shumë larg nivelit që ka qenë dikur loja.
Në vitin e shkuar shikueshmëria e Fortnite e ka kaluar këtë kufi disa herë, me eventin e “The Device” në qershor dhe “Black Hole” në tetorin e shkuar, që kaloi 2.4 milionë dhe 1.6 milionë shikime respektivisht në Twitch.
Të dyja këto evente u pasuan nga një shikueshmëri e konsiderueshme në Twitch për të filluar sezonin, por sezonet e tjera të Chapter 2 nuk kanë patur të njejtin sukses.
BETEJA E BATTLE ROYALE-ve
Activision mund të mos ketë qëlluar në shenjë me tentativën e tij të parë për batle royale, por padyshim që ka goditur fiks aty ku duhet me lançimin e Warzone në 10 mars. Battle royale-i free-to-play ka qëndruar në majat e Twitch që atëherë.
Me 535 milionë orë të para në 180 ditët e fundit në Twitch, CoD nuk është përpara Fortnite, por është duke ja dalë mjaft mirë, sado që loja e Epic nuk është më monopol. Fornite është loja e katërt më e parë në Twitch gjatë kësaj kohe, me 597 milionë orë të para.
Sado që Fortnite ka më shumë shkime, CoD duket të jetë në formë më të mirë. Nuk po themi që Fortnite është në rënie, por padyshim që nuk ka më të njejtin nivel kontrolli dhe superioriteti siç e ka patur dikur.
