Ky leak i Fortnite zbulon detaje për finalen e Season 5

Një set i leaks kanë zbuluar detaje për finalen e eventit të Fortnite Season 5, me Zero Point që mendohet të humbë stabilitetin dhe të shkaktojë kaos në ishull.

Me Season 5 të lojës që do të mbarojë në 15 mars të 2021, kanë mbetur edhe pak javë që Epic të mund ta mbyllë historinë në mënyrën e duhur. Lojtarët kanë krijuar shumë pritshmëri për këtë event.

Sipas leaks Zero Point do të humbasë stabilitetin. Lojtarët mund të vërejnë se Zero Point është e krisur që tani dhe se ka efekte të çuditshme që po ndodhin rreth saj. Pjesa më interesante është se nuk do të ketë vetëm një event të madh, por disa mini-evente që do të paraprijnë fundin e sezonit të pestë.

Dataminer Mang0e ka zbuluar se Zero Point do të shkaktojë katër vali destabilizuese përgjatë javëve të ardhshme. Ato quhen Reality Waves dhe do të shkaktojnë shumë ndryshime në ishull.

HYPEX pastaj postoi një audio të klipit që do të luhet gjatë destabilizimit të Zero Point. Padyshim që duket se shumë telashe po vijnë në lojë. Një veçori tjetër interesante është se Zero Point do të ndikojë në voice chatt të lojtarëve, duke i modifikuar frekuencat e zërit atyre.