Si krahasohet Fortnite me lojërat e tjera në Search Engine Shqiptar? A tërheq më shumë vëmendje Fortnite & Gaming në krahasim me vipat shqiptarë si Noizy, Ermal Mamaqi, Edi Rama, Dua Lipa, Rita Ora, etj?
Një vit tjetër ka kaluar, këtë herë duke shënuar fillimin e një dekade të re. Për të përkujtuar një vit në kërkim, Google ka ndërtuar një traditë duke na kujtuar momentet kryesore nga viti i mëparshëm. Për vitin 2019 bota ishte e interesuar mbi heronjtë, si superheronjtë e trilluar, ashtu edhe heronj të përditshëm, nëpër botë. Me një video përmbledhëse e cila është vërtetë motivuese, Google na e ka treguar atë. Për të parë se çfarë ishte në trend në vitin 2019, ju mund të vizitoni year in Search në Google, ku ju mund të shihni tendencat globale dhe lokale bazuar në vitin dhe kategorinë. Ndërkohë që kjo është një iniciativë e shkëlqyeshme nga Google duke na siguruar disa të dhëna interesante, 2019 është edhe një vit ku Shqipërisë nuk iu shfaq asnjë dashuri në Google’s Year in Search, me mungesën totale të përfshirjes së saj. Kështu që ne tek GameON Albania vendosëm të bëjmë një analizë tonën bazuar në Google Trends për Shqipërinë.
Si një media website mbi lojërat dhe argëtimin, vëmendja jonë fillestare ishte te videolojërat dhe esports dhe ne donim të dinim se cilën lojë njerëzit duan të lexojnë dhe shikojnë më shumë në Shqipëri. Nuk na desh shumë kohë për të përcaktuar se Fortnite ishte mbreti për vitin 2019. Pyetja e vërtetë ishte nëse mbreti do të ketë jetë të gjatë apo do të vdes në rini? Teksa shihni interesin e Fortnite për vitin, rënia bëhet e dukshme. Edhe 2nd Chapter i lançuar në tetor dhe i ndjekur nga fshirja dramatike e hartës fillestare, nuk ka qenë e mjaftueshme për të rritur interesin e popullatës shqiptare. Në krahasim me vitin 2018, rënia bëhet më e dukshme me mbi gjysmën e audiencës kulmore në trevat tona që ka humbur kuriozitetin.
Ndërsa Fortnite mund të jetë një fantazmë e vetvetes së saj për shqiptarët, si krahason ajo me lojërat e tjera? Edhe pse Fortnite mbetet akoma mbreti për vitin 2019, froni po sfidohet nga lojëra të tilla si Grand Theft Auto Series, Minecraft, dhe Garena Free Fire, me Fortnite që luftoi për të ruajtur vendin e parë gjatë muajit Nëntor. Ajo që vlen të përmendet është se GTA V u lançua në 2013-ën dhe Minecraft fillimisht u lançua në vitin 2011. Me të dyja lojërat në duart e lojtarëve për shumë vite, është mbresëlënëse të shohësh që ato konkurrojnë për vendin e parë dhe mbajnë një bazë fansash të qëndrueshme në krahasim me lojërat më të reja. Është e qartë se faza e ‘hype’-it për Fortnite tashmë ka përfunduar.
Edhe më i spikatur, është fakti që një lojë ekskluzivisht në celular është duke garuar për vendin e parë. Garena Free Fire është një nga lojërat me rritjen më të madhe të interesit për vitin 2019. Free Fire është një Battle Royale me ngjashmëri me Fortnite por me kërkesa më të ulëta për hardware-in. Është e qartë se lojërat mobile janë në rritje në të gjithë botën dhe Shqipëria nuk përbën përjashtim nga ky rregull. Sipas hulumtimit, loja ka qenë jashtëzakonisht e popullarizuar në vendet ku lojtarët nuk posedojnë një gaming PC. Duke pasur parasysh që loja u siguron atyre një përvojë më të shijueshme në pajisjet e lëvizshme, ajo ka qenë më e suksesshme se Fortnite kur bëhet fjalë për telefonat inteligjentë. Pra, tani e dimë se ku kanë kaluar këta lojtarë të Fortnite.
Lojëra të tilla si FIFA, Pro Evolution Soccer, PlayerUnkown’s Battleground, World of Warcraft, League of Legends, Call of Duty, Counter-Strike, etj., edhe pse kanë bazën e tyre të dedikuar të lojtarëve dhe ndjekësve, vijnë më poshtë në këtë listë. Ndërsa ato lojëra kanë një interes më të vogël për kërkim, ato akoma ia vlen të përmenden pasi janë më të qëndrueshme dhe bazë fansash më të përkushtuar. Mbani mend se këto rezultate të search engine nuk përcaktojnë nivelin e përkushtimit të lojtarëve në një lojë mes lojtarëve hardcore dhe rastësor.
Ajo që mbetet për tu parë është nëse Fortnite mund të ndjekë gjurmët e lojërave të tilla si GTA dhe Minecraft dhe të ruajë audiencën shqiptare dhe interesin e tyre, apo nëse lojërat mobile do të vazhdojnë të rriten. E vetmja gjë e sigurt është që Fortnite ka shumë për të rikuperuar për vitin 2020 me shumë streamer që tregojnë zhgënjimin e tyre të vazhdueshëm kundrejt lojës.
Le të imagjinojmë për një moment që jeni ulur me një grup njerëzish dhe filloni një diskutim për interesat tuaja. Nëse filloni të flisni për një lojë, shanset janë që ju të qeshni dhe të konsideroheni të varur ndaj gaming nëse nuk rrethoheni nga njerëz me mendime të ngjashme. Megjithatë, kur dikush ka të njëjtin diskutim në lidhje mbi një serial, film apo muzikant, do të konsideroheni antisocial në rast se nuk jeni të përfshirë në bisedë. Ironia e industrisë së lojërave dhe se si perceptohet në krahasim me filmat është në mëdyshje dhe madje edhe më e dukshme në Shqipëri.
Lojërat në Shqipëri janë një treg i injoruar dhe një mundësi e humbur por i tillë ka qenë rasti globalisht kur bëhet fjalë për Video Lojërat për një kohë të gjatë. Lojërat janë provuar të jenë tre (3) herë më të mëdha se industria e filmit dhe muzikës e kombinuar, por a mund të thuhet e njëjta gjë edhe për Shqipërinë? Ne kemi dashur të zbulojmë saktësisht se sa të lidhur janë interesi lokal dhe global kur bëhet fjalë për krahasimin midis industrisë së lojrave dhe muzikës/filmit. Vazhduam të krahasojmë Fornite me të personalitete të famshëm shqiptarë dhe pamë se cilin prej tyre shqiptarët kërkuan më shumë gjatë vitit që lamë pas.
Ju lutemi kini parasysh se të dhënat në këtë artikull kanë të bëjnë me Shqipërinë dhe nuk përfshijnë shqiptarët që jetojnë jashtë. Ne e kemi parë vetëm nga pikëpamja e një loje popullore vs vip popullor dhe nuk po e krahasojmë të gjithë industrinë e lojrave, filmit apo muzikës.
Ajo që zbuluam është se ndërsa Noizy, Elvana Gjata, Tayna dhe Edi Rama u kërkuan shumë gjatë vitit 2019, ata kurrë nuk arritën të ruanin interesin për më shumë se një periudhë të shkurtër kohe mbi atë të Fortnite. Të famshëm të tjerë si Ermal Mamaqi, Dua Lipa, Rita Ora, Dafina Zeqiri, Ardit Gjebrea, Aurela Gaçe, Ermal Meta, Mc Kresha e shumë të tjerë, thjesht nuk mund të konkurronin me trafikun e kërkimit të Fortnite për vitin 2019.
Në rastin e kryeministrit, është e qartë se tërmeti luajti një rol monumental në kërkimet e tij. E vetmja gjë që tronditi me të vërtetë Google në kërkimet nga Shqipëria nuk ishte as një lojë dhe as një personalitet, por tërmeti aktual i Nëntorit. Një fenomen i paprecedent për këtë rajon gjatë këtij mijëvjeçari dhe një katastrofë kombëtare, mbi të cilën ishte thjesht logjike që do të tërhiqte vëmendjen e të gjithëve.
Sa i përket krahasimit me shkëlqimin dhe magjepsjen e industrisë së filmit dhe muzikës, biznesi i videolojërave tani është më i madh sesa industria e filmit dhe ajo muzikore e kombinuar, duke e bërë atë një industri lider në ‘entertainment’.
Këtë vit, tregu global i lojërave vlerësohet të gjenerojë 152.1 miliardë dollarë nga 2.5 miliardë lojtarë në të gjithë botën. Për krahasim, industria globale e filmave ishte me vlerë 41.7 miliardë dollarë ndërsa të ardhurat globale të muzikës arritën 19.1 miliardë dollarë në 2018.
Konsideroni filmin më të mirë deri më tani, Avengers: Endgame. Kur u bë premiera në 16 Prill, ai arriti mbi 858 milion dollarë gjatë fundjavës së hapjes. Ai madje tejkaloi Avengers: Infinity War të vitit të kaluar, i cili gjeneroi 678 milion dollarë në të ardhura bruto. Por ndërsa këto filma morën kaq shumë vëmendje shumë shpejtë nga publiku i gjerë, e kishin të pamundur të tejkalojnë lançimin më të lartë të industrisë në histori, Grand Theft Auto V në vitin 2013, i cili gjeneroi 1 miliard dollarë në pak më shumë se 3 ditë.
Mesa duket shkëlqimi dhe magjepsja e filmave dhe muzikës, në fund të fundit, nuk përkthehet drejtpërdrejt në fitime më të mëdha
Me rritjen e evolucionit e lojërave dhe industrisë së gaming çdo vit, ne shohim një të ardhme të ndritshme për lojërat në Shqipëri. Lojërat në Shqipëri janë një industri ende shumë e re dhe kanë ende një rrugë të gjatë për të bërë. Shpresojmë të shohim më shumë lojtarë profesionistë, më shumë streamers dhe më shumë prindër që mbështesin ëndrrën e fëmijës së tyre. Ishte një kohë kur idhujt e çdo fëmije ishin këngëtarët, sportistët dhe politikanët, por me epokën e teknologjisë mbi ne, koha ka ardhur për fëmijët që të kenë idhull një lojtar profesional tyre të preferuar.
Së shpejti do të kemi një gjeneratë të prindërve të cilët janë gjithashtu lojtarë dhe do të inkurajojnë fëmijët e tyre dhe t’i ndihmojnë ata të balancojnë lojërat bashkë me përparësitë e tjera të jetës. Shpresojmë të shohim më shumë kompani dhe biznese të investojnë kohën dhe burimet e tyre në industrinë e lojërave, dhe mbase një ditë, një fëmijë që dëshiron të bëhet një lojtar profesionist kur të rritet, do e ketë këtë mundësi.