Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Sado që është duke punuar me një material populist, ka ambicie të madhe.”
Një nga filmat më të pritur të 2019s është Joker me protagonist Joaquin Phoenix. Filmi do ta ketë premierën e tij në tetor, por tashmë është shfaqur në Festivalin e Filmit të Venecias këtë muaj dhe në shtator do të shfaqet edhe në Festivalin Ndërkombëtar të Filmit në Toronto. Cameron Bailey, drejtori artistik i festivalit në Toronto e ka parë Joker dhe është mahnitur.
Bailey tha se filmi është “fantastik” dhe se meriton të shfaqjet në skenën më të madhe të festivalit. Ai tha se historia e tij, e cila vjen nga comic books-at, është “vërtetë origjinale” dhe kinematografia ka arritur nivele shumë të larta. Ai shprehet:
“Pikë së pari është fantastik, ndaj duhet ta luajmë në skenën më të madhe që jemi. Është një pikëpamje shumë origjinale mbi comic books-at dhe mbi të gjitha në vetë personazhin e Joker. Nuk është i bazuar në një histori që tashmë ekziston dhe ka një nga aktorët më të mëdhenj që ka parë ndonjëherë kinemaja, Joaquin Phoenix. Robert De Niro, një nga aktorët më të mirë që ka jetuar ndonjëherë është gjithashtu në të.”
“Ka një tematikë shumë interesante dhe tërheqëse rreth tij. I vendosur në fundin e viteve ’70, vërtet të duket sikur është bërë atëherë. Ka referenca të filmave të Martin Scorsese dhe është një arritje e lartë kinematografike. Sado që është duke punuar me një material populist, ka ambicie të madhe.”
Phoenix, i nominuar tre herë për çmim Oscar luan Arthur Fleck/The Joker. Filmi gjithashtu ka në të emra si Robert de Niro, Zazie Beetz dhe Frances Conroy.
Regjizori i filmit, Todd Philips, i cili njihet për punën e tij në The Hangover dhe disa komedi Old School tha në një intervistë se filmi i Joker nuk ndjek asgjë nga comics-at.
“Nuk ndoqëm asgjë nga comic books-at, gjë kjo që nuk do ju pëlqejë njerëzve. Ne thjesht shkruajtëm versionin tonë të një tipi si Joker dhe se nga mund të vinte ai. Për mua këtu është pjesa interesante. Ne as nuk jemi duke bërë Joker, por historinë e të bërit Joker. Është e gjitha rreth një personi.”
Joker do të vijë në datë 4 tetor si premierë zyrtare nga Warner Bros.
