Falë runës së katërt, vullkani i Fortnite është gati për të shpërthyer

Me shumë mundësi do të shpërthejë në fillim të sezonit të nënte.

Vullkani i Fortnite është gati për të shpërthyer dhe runat e ndodhura në Loot Lake janë shkaku pse. Duket se kjo po ndodh në përfundim të sezonit të tetë, ndaj pritet që shpërthimi të sinjalizojë fillimin e sezonit të ri. Një përdorues në Reddit ka postuar një video të aktivizimit të runës së katërt. Mund ta shikoni videon në këtë link.

Pas kësaj lojtarët vunë re se vullkani i Fortnite filloi në nxirrte tym. Ky i fundit duket të jetë më aktiv se kurrë në këto çaste, duke na bërë të gjithëve të mendojme se do të shpërthejë nga çasti në çast. Duke gjykuar që kjo është dhe java e fundit e sfidave në sezonin e tetë, shpërthimi ka shumë gjasa të bashkëngjitet me sezonin e nëntë.

Epic Games e ka zakon të mbajë evente në fillimin e një sezoni të ri, për të sinjalizuar ndryshimet dhe tematikat e reja. Gjithsesi shpërthimi i vullkanit nuk do të jetë i vetmi event që do të ndodhë në ishull, kur marrim parasysh se erdhi si pasojë e aktivizimi të runës së katërt.

Tani mbetet vetëm një runë për tu gjetur dhe për tu aktivizuar përpara se kapanxha të hapet. Sipas teorive të data miner-ave të lojës, është e mundur që një anije kozmike të jetë fshehur poshtë Loot Lake. Anija besohet se do të shfaqet në fillimin e sezonit të nëntë.

Gjithsesi eksperiencat na kanë mësuar që nuk duhet të besojmë çdo teori që dëgjojmë. Po ta kujtoni të gjithë ishin gati të vinin dorën në zjarr se sezoni i tetë i Fortnite do të zhvillohej i gjithi nën ujë, por shiko pak tani se sa ndryshe doli ai supozim.

Në fund të ditës me një vullkan që është gati të shpërthejë është vetëm çështje kohe përpara se të marrim vesh çdo gjë që duhet të dimë rreth sezonit të nëntë.