Eventi i ri i Apex Legends, Voidwalker, do të nisë këtë javë

Eventi do të fokusohet tërësisht tek Wraith

Apex Legends do të zhvillojë eventin e tij të rradhës këtë javë. Voidwalker, i cili do të fokusohet tek historia e Wraith, do të nisë ditën e nesërme më 3 shtator dhe do të vazhdojë deri në 17 shtator. Gjatë kësaj kohe, ju do të keni mundësinë të fitoni (ose të bleni) sende të reja premium në lojë, përfshirë këtu dhe një skin të bukur për Wraith.

Një town takeover i ri do të zhvillohet gjatë këtij eventi, ku ndërtuesit e Syndicate kanë zbuluar një pjesë të ndërtesës së Project: Wraith. Respawn thotë se kjo zonë kërkimore ka një prototip funksional të një portali, i cili mund të përdoret për të shkuar në bazë herët, ose për të rinisur hedhjen dhe për t’u hedhur sërish në hartë. Ka gjithashtu dhe detaje të tjera mbi historinë që mund të zbulohen gjatë këtij eventi dy-javor, për sa kohë që nuk jeni duke u mbrotjur nga plumbat.

Eventi Voidwalker gjithashtu vjen me një limited time mode të quajtur Armed and Dangerous. Armët në këtë mode janë vetëm sniper-at dhe shotgun-ët dhe gjetja e armëve është bërë gjithashtu shumë më e vështirë.

Padyshim, një event me tematikë të veçantë nuk do të ishte i plotë pa cosmetics të reja për t’u arritur dhe Respawn duket se ka shtuar skin-e, muzikë, stema si dhe shumë shpërblime të tjera për t’u fituar. Ka gjithashtu dhe një set cosmetics që mund të blehen, përfshirë këtu një kornizë të re dhe një skin me helmetë të ngjashëm me Daft Punk për Wraith.

Përveç skin-it të ri elitë Wraith Voidwalker dhe kornizës (që kushtojnë 1800 dhe 1000 credits respektivisht), të gjitha cosmetics të reja janë 500 credits, ose ndryshe rreth 5 euro. Kjo është më e lirë se çdo skin në eventet e mëparshme, dhe këtu përfshihen skin-e të reja për Lifeline, Gibraltar dhe Bangalore, si dhe skin-e për RE-45 dhe Prowler.

Më në fund, duke nisur nga dt. 6 shtator dhe deri në 9 shtator, lojtarët e Apex Legends do të mund të fitojnë dyfish XP nëse arrijnë të përfundojnë në Top 5. Ky bonus është i vlefshëm si për nivelin e account-it, ashtu edhe për Battle Pass-in e lojës.