Epic heq reklamat e Fortnite në YT pas videove që shfrytëzojnë fëmijë

Preroll ads nga korporata të mëdha po ndihmojnë në monetizimin e videove që shfrytëzojnë fëmijë

Epic Games ka ndaluar të gjitha reklamat e Fortnite në YouTube pas zbulimit të një raporti që thoshte se reklamime nga korporata të mëdha po luheshin përpara videove që përdoreshin nga pedofilët për të përfituar nga fëmijët.

“Algoritmi i YouTube po lehtëson aftësitë e pedofilave për tu vënë në kontakt me njëri-tjetrin, shkëmbyer informacion dhe për të postuar links të pornografisë së fëmijëve në komente,” Shprehet Matt Watson, personi pas këtij zbulimi.

“Mund të kesh vazhdimisht akses në to. Duke filluar që nga adresat e papërdorura më parë të YouTube, në më pak se dhjetë minuta e ndonjëherë më pak se pesë klikime. Ka edhe prova me video që këto video në fjalë po monetizohen nga brande të mëdha si McDonald’s dhe Disney.“

Fortnite nuk paraqitet në raportimin e Matt Watson, por Epic duket se po lëviz paraprakisht për të shmangur koklavitje të mëtejshme. “Për momentin e kemi vënë në pauz pre-roll ads,” është shprehur një përfaqësues i Epic. “Gjithashtu përmes agjensisë sonë të reklamimit kemi kontaktuar me Google dhe YouTube për të marrë vesh masat që ata do të marrin për ta eliminuar këtë lloj përmbajtjeje.”

Një tjetër përfaqësues i YouTube u shpreh se videot e vërejtura nga Watson janë heque dhe komentet që i shkaktonin të gjitha këto probleme gjithashtu janë zhdukur. Ai u shpreh se “Çdo përmbajtje që rrezikon të miturit është e patolerueshme dhe ne kemi pika të qarta që e ndalojnë këtë gjë. Kemi ende punë për të bërë, por dita ditës që vazhdojmë punën e kapim abuzimin më shpejt.”

Kjo nuk është hera e parë që kompanitë janë tërhequr nga suporti i YouTube-it si reagim i një problemi madhor. Më shumë se 250 kompani bënë të njejtën gjë në 2017 kur supozohej se në një situatë të ngjashme po ndihmohej furnizimi i fondeve të ekstremstëve Islamike dhe pornografëve.