Epic Games merr masa kundër mashtruesve në Fortnite

Epic Games është duke ndërmarrë përsipër masa për lojtarët e Fortnite që kanë përdorur sistemin Support-A-Creator, për të mashtruar njerëz të tjerë, me premtime të rreme për V-Bucks ose gjërave të tjera. Zhvilluesi i Fortnite foli për këtë para pak ditësh nëpërmjet një postimi në faqen e lojës, ku thoshte se ata do të viheshin në dijeni për anëtarët e sistemit Support-A-Creator që po e përdornin këtë për të mashtruar ose manipuluar lojtarët. Ata që do të konsiderohen si fajtorë për veprime të tilla do të hiqen nga programi dhe Epic do të sigurohej që situata të tilla të mos ndodhnin në të ardhmen.

Sado që detaje më specifike nuk u përmendën në postimin në fjalë, si përshembull ekzaktësisht kë ishin duke shënjestruar nga abuzuesit e Support-A-Creator, zhvilluesi sqaroi pak se cilat lloje veprimesh po synon që të parandalojë. Premtimet për V-Bucks në këmbim të diçkaje tjetër janë më të përhapurat, teksa njerëzit përpiqen të hedhin më shumë vëmendje në krijimet e tyre. Por këto premtime dhe benefite ndonjëherë shtrihen përtej monedhave brenda lojës.

“Zakonisht këto individë krijojnë materiale në mediat sociale që premtojnë benefite të rreme në këmbim të përdorimit të një kodi specifik Support-A-Creator,” tha Epic Games. “Një tjetër mashtrim shumë i zakontë përfshin Creative islands që premtojnë shpërblime si V-Bucks ose gift cards për lojtarët. Ata që bien pre e kësaj skeme asnjëherë nuk i marrin këto gjëra që ju janë premtuar”

Për tësqaruar pak gjërat, Epic Games tha se Creators brenda programit nuk mund kurrësesi t’i premtojnë njerëzve skine falas ose të garantojnë V-Bucks vetëm se ata kanë përdorur një kod të kërkuar të Creator Code. Kjo bie ndesh me rregullat e Support-A-Creator dhe ata që i shkelin këto rregulla mund të zhvendosen plotësisht nga sistemi.

Një version i update-uar i programit të Support-A-Creator do të vijë në të ardhmen. Ai do i kërkojë anëtarëve të përfshirë në të, që të kenë një adresë të vlefshme të një mediaje sociale. Prisni të dëgjoni më shumë nga Epic Games për këtë së shpejti.