Epic konfirmon se crossover-i me Marvel do të vazhdojë përtej Season 4

Fortnite dhe Marvel i kanë kryqëzuar rrugët sërish dhe duket se integrimi i tyre nuk do të ngadalësohet. Drejtori krijues i Epic Games, Donald Mustard, ka konfirmuar se ka shumë kontent të planifikuar për lojtarët për “shumë vite.”

Marvel u fut fillimisht në Fortnite kur Infinity War doli në kinema për herë të parë. E njejta gjë u përsërit me Avengers: Endgame. Është një relatë qartazi shumë simbiotike dhe një që fansat e serisë do të donin të vazhdonin ta shihnin. Fatmirësisht duket se ky do të jetë rasti.

Drejtori krijues i Epic Games, Donald Mustard, u hap për crossovers mes Fortntie dhe Marvel në episodin e fundit të podcastit This Week In Marvel. Ai konfirmoi se dy botët do të vazhdojnë të ndërthuren me njëra-tjetrën edhe në vitet në vazhdim.

“Ky është vetëm fillimi,” tha ai. “Ky është fillimi i shumë gjërave që kemi planifikuar për shumë vite në integrimin me Marvel. Ky nuk është fundi, ky është fillimi.”

Pasi tha këtë ai postoi në Twitter se ndoshta mund të ketë thënë pak më shumë se ç’duhet për të ardhmen e Fortnite.

Nëse e dëgjoni të gjithë episodin do të kuptoni se sa i pasionuar është ky njeri për Marvel. Ai ka qenë fans prej vitesh dhe fakti që ka mundur t’i ndërthurë ato me Fortnite është një ëndërr e bërë realitet për të.

Mbetet të shohim se çfarë kanë menduar për të ardhmen me këtë bashkëpunim.