Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Zhvilluesi i Fortnite, Epic Games ka bërë një ankesë formale antitrust kundër Apple, te Komisioni Europian. Epic thotë se “kufizimet anti-kompetitive të mirëmenduara të Apple kanë eleminuar plotësisht konkurencën mes aplikacioneve dhe procedurave të pagesës.”
Kjo ankesë është kundërpërgjigjja ligjore më e fundit e Epic, në betejën e vazhdueshme me Apple. Zhvilluesi ka kritikuar kontrollin e Apple për AppStore dhe të gjitha politikat dhe pagesat që kompania ndjek mbi të. Kjo bën që Apple të ketë 30% fitim të të gjitha blerjeve të aplikacioneve, ose blerjeve që bëhen mbi to.
CEO i Epic, Tim Sweeney e ka quajtur këtë 30% një “taksë”, që sipas Epic dëmton zhvilluesit e jashtëm. Apple ka thënë se do e reduktojë përqindjen e tarifës në 15%, për zhvilluesit që fitojnë më pak se $1 milionë të ardhura vjetore.
Në njoftimin e tij të fundit Epic Games tha se nuk është duke kërkuar dëmshpërblim nga Apple në BE. Përkundrazi, thotë se do që praktikat anti-kompetitive të Apple të marrin fund.
Konflikti i Epic me Apple filloi verën që lamë pas, kur zhvilluesi tentoi që të eleminonte tarifën 30% të Apple nga blerjet e bëra në Fortnite. Apple reagoi duke e hequr lojën nga App Store, duke bërë kështu që Epic të ngrinte një padi tjetër si kundërshtim.
Përveç Apple, Epic gjithashtu paditi edhe Google, pasi kompania e hoqi Fortnite nga Google Play Store në Android.
